PDA

View Full Version : தீபாவளி - தித்திப்பு பக்ஷணங்கள் !



krishnaamma
31-10-2012, 06:09 PM
தீபாவளி - தித்திப்பு பக்ஷணங்கள் ! தீபாவளி என்றாலே பட்டாசும் பக்ஷணங்கள் தான் நினைவுக்கு வரும். இங்கு சில எளிய இனிப்பு வகை பலகாரங்களை பார்க்கலாம். செய்முறை எளியது ஆனால் சுவை அபாரம. நீங்களும் உங்கள் கருத்துகள் மற்றும் உங்கள் இடத்து பலகாரங்களின் செய் முறைகளை பகிர்ந்து கொள்ளவும்.

krishnaamma
31-10-2012, 06:10 PM
முதலில் திரட்டுப்பால்
ரொம்ப சுலபமான ஆனால் அபாரமான இனிப்பு.

தேவையானவை:

1 லிட்டர் வெண்ணை நிறைந்த பால் (full cream milk )
200gms சர்க்கரை
ஏலப்பொடி சிறிதளவு (வேண்டுமானால்)

செய்முறை:

ஒரு பெரிய அடிகனமான பாத்திரத்தில் பாலை ஊற்றி , கொதிக்கவைக்கவும்.
அடுப்பை நிதானமாக எரியவிடவும்.
தொடர்ந்து கிளறவும்.
நன்கு சுண்டியதும் சர்க்கரை சேர்க்கவும்.
ஏலப்பொடி போட்டு கலந்து இறக்கவும்.
அவ்வளவுதான் , சுவையான திரட்டுப்பால், சுவைக்க தயார்

krishnaamma
31-10-2012, 06:11 PM
என்னைப்பொருத்தவரை இந்த ஹல்வா 'இனிப்புகளின் தலைவன்'

தேவையானவை:

2cup பாதாம் விழுது (250gm பாதாமை ஊறவைத்து, கொஞ்சம் பாலில் அரைத்து வைக்கவும் )
2cup சர்க்கரை
1cup நெய்
10 - 12 குங்குமப்பூ
சிறிதளவு ஏலப்பொடி (தேவையானால் )
பால் சிறிதளவு

செய்முறை:

ஒரு அடிகனமான பாத்திரத்தில், பாதாம் விழுது, சர்க்கரை போட்டு அடுப்பில் வைக்கவும்.
குங்குமப்பூ வை 1 ஸ்பூன் பாலில் உறவைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
குங்குமப்பூ வை கரைத்து ஊற்றவும்.
சிறிது சிறிதாக நெய் விட்டு கிளறவும்.
நன்கு பந்து போல் சுருண்டுவரும்போது ஏலப்பொடி தூவி இறக்கவும்.

krishnaamma
31-10-2012, 06:14 PM
தேவையானவை:

4 1 / 4 கப் பால் ( கோவா செய்வதற்கு ) அல்லது சர்க்கரை இல்லாத கோவா ஒன்னே கால் கப், துருவி எடுத்துக்கொள்ளவும்
1 / 2cup பாதாம் ( பாதாமை ஊறவைத்து, கொஞ்சம் பாலில் அரைத்து வைக்கவும் )
1 கப் சர்க்கரை
1 டேபிள்ஸ்பூன் நெய்
சிறிதளவு ஏலப்பொடி
பால் சிறிதளவு
2 ஸ்பூன் பாதாம் தூளாக்கினது

மேலே தூவ:

ரோஜா இதழ்கள் கொஞ்சம்


செய்முறை:

ஒரு அடிகனமான பாத்திரத்தில், பாதாம் விழுது போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
கொஞ்சம் இறுகினதும் , சர்க்கரை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பாதாம் (தூளாக்கினது )தூவி இறக்கவும்.
ஒரு பாத்திரத்தில் எடுத்து வைக்கவும் மேலே ரோஜா இதழ்கள் தூவவும்.
பாதாம் ஹல்வா ரெடி.
சூடாகவோ ஆறினதுமோ பரிமாறலாம்.

கோவா செய்ய: பாலை ஒரு அடிகனமான பாத்திரத்தில் விட்டு அடுப்பில் வைக்கவும். பொங்காமல் பார்த்துக்கொள்ளவும். அது அப்படியே கொதித்து கொதித்து குறைந்து 'கோவாவாக' மாறும். அதுவரை அப்ப அப்ப கிளறிவிட்டுக்கொண்டே இருக்கவும்.
ஒரு லிட்டர் பாலுக்கு சுமார் கால் கிலோ முதல் முன்னூறு கிராம் வரை கோவா கிடைக்கும்.

krishnaamma
31-10-2012, 06:15 PM
தேவையானவை:

250 கிராம் பாதாம் ( பாதாமை ஊறவைத்து, கொஞ்சம் பாலில் அரைத்து வைக்கவும் )
200 கிராம் சர்க்கரை
250 கிராம் நெய்
3 கப் பால்
சிறிதளவு ஏலப்பொடி
150 கிராம் ரவை
2 ஸ்பூன் பிஸ்தா தூளாக்கினது
இரண்டு ஷீட் 'சில்வர் ரேக் ' (தேவையானால் )


செய்முறை:

பாதாமை ஒரு இரண்டு மணிநேரம் ஊறவைத்து தோலை உரித்து ரவை போல மிக்சி இல் உடைத்துக்கொள்ளவும்.
ஒரு அடிகனமான பாத்திரத்தில், நெய்விட்டு ரவையை போட்டு வறுக்கவும்.
பிறகு பாதாம் ரவையை போட்டு வறுக்கவும்.
கொஞ்சம் சிவந்ததும், பால் சர்க்கரை போட்டு கிளறவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பிஸ்தா துண்டுகள் தூவவும்.
நெய் பிரிந்து வரும்போது இறக்கி நெய்தடவிய தட்டில் கொட்டவும்.
மேலே 'சில்வர் ரேக் ' ஒட்டவும்.
சூடாகவோ ஆறினதுமோ பரிமாறலாம்.

krishnaamma
31-10-2012, 06:16 PM
தேவையானவை:

4 1 / 4 கப் பால் ( கோவா செய்வதற்கு ) அல்லது சர்க்கரை இல்லாத கோவா ஒன்னே கால் கப், துருவி எடுத்துக்கொள்ளவும்
1 / 2cup முந்திரி ( முந்திரியை ஊறவைத்து, கொஞ்சம் பாலில் அரைத்து வைக்கவும் )
1 கப் சர்க்கரை
1 டேபிள்ஸ்பூன் நெய்
சிறிதளவு ஏலப்பொடி
பால் சிறிதளவு
2 ஸ்பூன் பாதாம் தூளாக்கினது

மேலே தூவ:

ரோஜா இதழ்கள் கொஞ்சம்


செய்முறை:

ஒரு அடிகனமான பாத்திரத்தில், முந்திரி விழுது போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
கொஞ்சம் இறுகினதும் , சர்க்கரை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பாதாம் (தூளாக்கினது )தூவி இறக்கவும்.
ஒரு பாத்திரத்தில் எடுத்து வைக்கவும் மேலே ரோஜா இதழ்கள் தூவவும்.
முந்திரி ஹல்வா தயார்.
சூடாகவோ ஆறினதுமோ பரிமாறலாம்.

கோவா செய்ய: பாலை ஒரு அடிகனமான பாத்திரத்தில் விட்டு அடுப்பில் வைக்கவும். பொங்காமல் பார்த்துக்கொள்ளவும். அது அப்படியே கொதித்து கொதித்து குறைந்து 'கோவாவாக' மாறும். அதுவரை அப்ப அப்ப கிளறிவிட்டுக்கொண்டே இருக்கவும்.
ஒரு லிட்டர் பாலுக்கு சுமார் கால் கிலோ முதல் முன்னூறு கிராம் வரை கோவா கிடைக்கும்.

krishnaamma
31-10-2012, 06:18 PM
தேவையானவை:

1cup முந்தரி விழுது (150gm முந்திரியை ஊறவைத்து, கொஞ்சம் பாலில் அரைத்து வைக்கவும் )
2cup சர்க்கரை
2 1 /2cup சக்கரை இல்லாத கோவா
2sp நெய்
2sp முந்திரி உடைத்து
சிறிதளவு ஏலப்பொடி (தேவையானால் )
பால் சிறிதளவு

செய்முறை:

ஒரு அடிகனமான பாத்திரத்தில், முந்தரி விழுது, நெய் போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
இப்பொழுது கோவாவை துருவி அல்லது உதிருதுப்போடவும்.
நன்கு கிளறவும், கொஞ்சம் கெட்டியாகும்போது, சிறிது சிறிதாக நெய் விட்டு கிளறவும்.
சர்க்கரை சேர்க்கவும்.
கைவிடாமல் கிளறவும்.
நன்கு பந்து போல் சுருண்டுவரும்போது ஏலப்பொடி, உடைத்துவைதுள்ள முந்தரி தூவி, கிளறி இறக்கவும்.
சுவையான முந்தரி ஹல்வா தயார்.

குறிப்பு: வெறும் முந்தரி விழுது போடும் இந்த ஹல்வா செய்யலாம. (பாதாம்
ஹல்வா) போலவே.
சர்க்கரை இல்லாத கோவா கடையில் வாங்கினாலும் ஓகே அல்லது, ஒரு லிட்டர் பாலை சுண்டக் காய்ச்சியும் நாமே தயாரிக்கலாம்.

krishnaamma
31-10-2012, 06:19 PM
காரட் - காஜர் ஹல்வா - ரொம்ப சுலபமான ஹல்வா.

தேவையானவை:

1kg 'பிரெஷ்' காரட்
1 1 /2lt பால்
500gm சர்க்கரை
ஏலப்பொடி கொஞ்சம்
2sp நெய்
2sp உடைத்த பாதாம், பிஸ்தா, முந்தரி துண்டங்கள்.

செய்முறை :

காரட்டை நன்கு கழுவி துருவவும்.
ஒரு அடிகனமான பாத்திரத்தில், பால், காரட் துருவல் போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
பொங்கி வழியாமல் பார்த்துக்கொள்ளவும்.
நன்கு குறுகினதும், சர்க்கரை போடவும். கிளறவும்.
நெய் ஊற்றவும்.
நன்கு பந்து போல் சுருண்டுவரும்போது ஏலப்பொடி தூவி இறக்கவும்.
ஒரு அழகான பேசினில் போட்டு உடைத்த பருப்புகள் கொண்டு அலங்கரிக்கவும்.

குறிப்பு: ஹல்வா கிளரும் நேரத்தை குறைக்க துருவின காரட்டை பால் விட்டு குக்கரில் இல் வேகவைத்துவிட்டு, சர்க்கரை இல்லாத கோவா போட்டும் செய்யலாம்.

krishnaamma
31-10-2012, 06:20 PM
காரட் - காஜர் ஹல்வா போலவே, அதேமுறையில் பூசணி (வெள்ளை பூசணி ),
பரங்கிக்காய் ( கல்யாண பூசணிக்காய் - அரசாணிக்காய் ), பீட் ரூட் மற்றும் சுரைக்காய் போன்ற காய்கறிகளிலும் செய்யலாம்.

பூசணி, சுரைக்காய் போன்ற காய்கறி களில் செய்வதானால், அவற்றை துருவி
வடிதட்டில் போட்டு வடியடவேண்டும். பிறகு நன்கு பிழிந்து விட்டு துருவலை மாத்திரம் உபயோகிக்கவேண்டும். பிழிந்த நீரை 'சூப்' செய்ய உபயோகிக்கலாம்.

மேலும் இந்த ஹல்வாகள் செய்ய 'சர்க்கரை இல்லாத கோவா' உபயோகித்தால் அது ஹல்வாவின் சுவையை கூட்டும் .

, கல்யாண பூசணி , மற்றும் காரட் - காஜர் ஹல்வாவிற்கு கலர் ஏதும் போட வேண்டாம் , மற்ற ஹல்வாகளுக்கு போடணும்.

பூசணி ஹல்வாவின் மறு பெயர் 'காசி ஹல்வா' இந்த ஹல்வா செய்யும் போது சர்க்கரை அளவை சிறிது அதிகரித்தால் கடையில் செய்வது போல் துண்டம் போடவரும். கேசரி கலர் போடலாம்.

krishnaamma
31-10-2012, 06:35 PM
தேவையானவை:

600gms பேரிச்சம்பழம (விதைகளை எடுக்கவும், துண்டுகள் போடவும் )
1tin Condensed milk ( milkmaid tin )
2 தேக்கரண்டி நெய்
2 தேக்கரண்டி மைதா / corn flour
1 /2cup தண்ணீர்

செய்முறை:

ஒரு வாணலியில் நெய் விட்டு மைதாவை போட்டு ஒரு நிமிடம் வதக்கவும்.
உடனே தண்ணீர் விட்டு கிளறவும்.
அது கொதித்து அடங்குமுன், பேரிச்சம்பழ துண்டுகள் போடவும்.
பின் Condensed milk ஊற்றவும் .
நன்கு கிளறவும்.
நன்கு பந்து போல் சுருண்டுவரும்போது இறக்கவும்.
அவ்வளவுதான் ஹல்வா ரெடி.

krishnaamma
31-10-2012, 06:36 PM
பேரிச்சம்பழ ஹல்வா போல், மிக்சட் ப்ரூட் ஹல்வாவும் செய்யலாம். இந்த ஹல்வாவை குழந்தைகள் மிகவும் விரும்புவார்கள்.

தேவையானவை:

200gms பேரிச்சம்பழம (விதைகளை எடுக்கவும், துண்டுகள் போடவும் )
2cup டுட்டி பிரூட்டி
1cup உலர்ந்த திராக்ஷை
2cup உடைத்த பாதாம், பிஸ்தா, முந்தரி துண்டங்கள்.
2cup உலர்ந்த அத்திப்பழம் (துண்டுகளாக்கவும்)
1 தேக்கரண்டி செர்ரி (தேனில் ஊறவைத்து கடையில் கிடைக்கும் , வாங்கி துண்டுகளாக்கவும் )
1tin Condensed milk ( milkmaid tin )
2 தேக்கரண்டி நெய்
2 தேக்கரண்டி மைதா / corn flour
1cup சர்க்கரை
1 cup தண்ணீர்

செய்முறை:

ஒரு வாணலியில் நெய் விட்டு மைதாவை போட்டு ஒரு நிமிடம் வதக்கவும்.
உடனே தண்ணீர் விட்டு கிளறவும்.
அது கொதித்து அடங்குமுன், பேரிச்சம்பழ துண்டுகள், டுட்டி பிரூட்டி,உலர்ந்த திராக்ஷை, உடைத்த பாதாம், பிஸ்தா, முந்தரி துண்டங்கள்,உலர்ந்த அத்திப்பழம், செர்ரி போடவும்.
பின் Condensed milk ஊற்றவும் , சர்க்கரை சேர்க்கவும்.
நன்கு கிளறவும்.
நன்கு பந்து போல் சுருண்டுவரும்போது, நெய் தடவிய தட்டில் கொட்டவும்.
ஆறினதும் துண்டம் போடவும்.
அவ்வளவுதான் மிக்சட் ப்ரூட் ஹல்வா ரெடி.

krishnaamma
31-10-2012, 06:37 PM
தேவையானவை :

1cup கடலை மாவு
1sp அரிசி மாவு
1tabsp முந்தரி பருப்பு
1tabsp உலர்ந்த திராக்ஷை
10 - 15 கிராம்பு
2sp நெய்
ஆரஞ்சு கலர் 2 சிட்டிகை
அரை ஸ்பூன் ஏலப்பொடி
உப்பு ஒரு சிட்டிகை
'baking powder ' - சோடா உப்பு ஒரு சிட்டிகை
பொரிக்க நெய்/எண்ணெய்

சர்க்கரை பாகுகாக :
1 3 /4cup சர்க்கரை
3 /4cup தண்ணீர்

செய்முறை:

கடலை மாவு, அரிசி மாவு, உப்பு ஒரு சிட்டிகை,ஆரஞ்சு கலர், சோடா உப்பு ஒரு சிட்டிகை எல்லாம் போட்டு நன்கு கலக்கவும்.
தண்ணீர் விட்டு 'தோசை மாவு' பதத்துக்கு கரைக்கவும்.
வாணலியில் எண்ணெய் வைத்து சுட்டதும்,
பூந்தி கரண்டி இல் மாவை விட்டு, ஒரு கரண்டியால் தட்டவும்
பூந்திகள் எண்ணெய் இல் தொடர்ந்து விழனும்.
பிறகு பொறித்த பூந்திகளை வடிதட்டில் போடவும்.
இது போல் மொத்த மாவையும் பூந்தி யாக பொரிக்கவும்.
ஒரு பெரியபேசினில் மொத்த பூந்திகளையும் போடவும்.
நெய் விட்டு உலர்ந்த திராக்ஷை, கிராம்பு , முந்திரியை பொரித்து போட்டு கலக்கவும்.
மற்றும் ஒரு அடுப்பில் சர்க்கரை பாகுகாக ஆழமான பத்திரத்தில் சர்க்கரை + தண்ணீர் விடவும். ஏலப்பொடி போடவும்.
கம்பி பதம் வரும் வரை கொதிக்கவிடவும்.
சர்க்கரை பாகை பூந்தி மேல் கொட்டவும்.
கரண்டியால் கிளறி விடவும்.
கொஞ்சம் சூடு ஆறினதும் லட்டு பிடிக்கவும்.

krishnaamma
31-10-2012, 06:38 PM
ரவா லட்டு ரொம்ப easy ஆனால் tasty sweet . எங்கவீட்டில் அனைவருக்கும் மிகப் பிடித்தமான இனிப்பு. 'Ready Made ' ஆக நாங்கள் வைத்திருப்போம்.

தேவையானவை :

2cup 'பாம்பே ரவா
2cup சர்க்கரை (மிக்ஸ்யில் பொடிக்கவும் )
1cup நெய்
2 tabsp உடைத்த முந்திரி
ஏலப்பொடி

செய்முறை:

ரவையை நன்கு சிவக்க வறுக்கவும்.
மிக்ஸ்யில் பொடிக்கவும்
ஒரு பேசினில் போடவும்.
பொடித்த சர்க்கரையும் போடவும்.
ஏலப்பொடி போடவும்.
ஒரு வாணலில் நெய் விட்டு முந்திரியை வறுத்து அதன் மீது கொட்டவும்.
நன்கு கலந்து உருண்டை பிடிக்கவும்.
That is all. Rava laddu ready to taste.

குறிப்பு: நீங்கள் மெட்ராஸில் இருப்பவரானால் வறுத்த ரவை , சர்க்கரை , ஏலம்
எல்லாம் போட்டு மாவு மிஷின்ல் கொடுத்தால் சுலபமாக அரைத்து தருவார்கள். நீங்கள் வீட்டில் நெயில் முந்திரி பொரித்து போட்டால் போரும்.
நான் எப்பவும் அதுபோல் வீட்டில் வைத்து இருப்பேன். எப்பவேண்டுமாலும் 'ரவா லட்டு' தயார் பண்ணலாம்.அதுவும் நொடியில்.
இந்த பொடியை பாலில் கரைத்து கொதிக்க வைத்தால், சுவையான ரவா பாயாசம் ரெடி. நீங்களும் முயன்று பாருங்களேன்.

krishnaamma
31-10-2012, 06:39 PM
தேவையானவை :

2cup 'பாம்பே' ரவா
2cup சர்க்கரை (மிக்ஸ்யில் பொடிக்கவும் )
2cup துருவிய கொப்பரை
1 /2cup நெய்
2 tabsp உடைத்த முந்திரி
1tabsp உலர்ந்த திராக்ஷை
ஏலப்பொடி
1 /2cup பால்
குந்குமப்பூ கொஞ்சம்

செய்முறை:
ஒரு வாணலில் நெய் விட்டு முந்திரியை வறுத்து தனியே வைக்கவும்.
அடுத்து உலர்ந்த திராக்ஷையை வறுத்து தனியே வைக்கவும்.
மொத நெய் யையும் விட்டு, ரவையை போட்டு நன்கு சிவக்க வறுக்கவும்.
நல்ல வாசனை வந்ததும், அடுப்பை அணைக்கவும்.
ரவையுடன் சர்க்கரை கொப்பரை சேர்த்து, கை விடாமல் 5 நிமிடங்கள் வறுக்கவும்.
ஏலப்பொடி போடவும்.
வறுத்த முந்திரி, திராக்ஷையை போடவும்.
எல்லாவற்றையும் ஒரு பேசினில் போடவும்.
நடுவில் குழித்து பாலை சுட பண்ணி ஊற்றவும்.
நன்கு கலந்து சூடாக இருக்கும் போதே உருண்டை பிடிக்கவும்.
ஆறினால் உருட்ட கஷ்டம் .

குறிப்பு: இதில் பால் சேர்ப்பதனால் 2 - 3 நாளுக்குமேல் வைத்துக்கொள்ள முடியாது.

krishnaamma
31-10-2012, 06:40 PM
தேவையானவை :

2 1 /2cup சேமியா (வறுத்தது )
Condensed milk - 1 டின்
2sp நெய்
2 tabsp உடைத்த முந்திரி
ஏலப்பொடி

செய்முறை:

சேமியா வை லேசாக சுடு பண்ணி , மிக்ஸ்யில் பொடிக்கவும்.
ஒரு வாணலில் நெய் விட்டு முந்திரியை வறுத்து தனியே வைக்கவும்.
அடுத்து உலர்ந்த திராக்ஷையை வறுத்து தனியே வைக்கவும்.
மொத்த நெய்யையும் விட்டு, பொடித்த சேமியாவை வறுக்கவும்.
Condensed மில்க்கை விடவும்.
நன்கு கிளறவும்.
பந்து போல் சுருண்டு வரும் போது எறக்கி ஆறினதும் உருட்டவும்.
மிருதுவான 'சேமியா லட்டு' ரெடி.

குறிப்பு: இது போல் பாம்பே ரவா விலும் செய்யலாம். ரவையை பொடித்தோ/பொடிக்காமலோ செய்யலாம். ஒவ்வொன்றும் ஒவ்வொருவிதம், ஒவ்வொரு சுவை.

krishnaamma
31-10-2012, 06:40 PM
கடலை மாவு லட்டு - இது வடநாட்டில் ரொம்ப பிரசித்தம். சுலபம் கூட.

தேவையானவை :

2cup 'கடலை மாவு
2cup சர்க்கரை (மிக்ஸ்யில் பொடிக்கவும் )
1 /2cup நெய்
2 tabsp உடைத்த முந்திரி, பாதாம்
ஏலப்பொடி

செய்முறை:

வாணலியில் நெய் விட்டு கடலை மாவை நன்கு வாசனை வரும் வரை வறுக்கவும்.
அடுப்பை சின்னதாக வைத்துக்கொள்ளவும்.
ஒரு பேசினில் வறுத்த மாவைபோட்டு, முந்திரி, பாதாமை போடவும்.
ஏலப்பொடி போட்டு உருண்டைகள் பிடிக்கவும்.
அவ்வளவு தான் கடலை மாவு லட்டு.

krishnaamma
31-10-2012, 06:41 PM
தேவையானவை :

2cup பயத்தம் பருப்பு
2cup சர்க்கரை (மிக்ஸ்யில் பொடிக்கவும் )
2 1 /2cup நெய்
2 tabsp உடைத்த முந்திரி
ஏலப்பொடி

செய்முறை:

பயத்தம் பருப்பை நன்கு சிவக்க வறுக்கவும்.
மிக்ஸ்யில் பொடிக்கவும்.
ஒரு சல்லடை இல் போட்டு சலிக்கவும்.
மீண்டும் அரைக்கவும்.
ஒரு பேசினில் போடவும்.
பொடித்த சர்க்கரையும் போடவும்.
ஏலப்பொடி போடவும்.
ஒரு வாணலில் நெய் விட்டு முந்திரியை வறுத்து அதன் மீது கொட்டவும்.
நன்கு கலந்து உருண்டை பிடிக்கவும்.
That is all. 'மா லாடு' ரெடி.

குறிப்பு: நீங்கள் மெட்ராஸில் இருப்பவரானால் வறுத்த பயத்தம் பருப்பு , சர்க்கரை , ஏலம் எல்லாம் போட்டு மாவு மிஷின்ல் கொடுத்தால் சுலபமாக அரைத்து தருவார்கள். நீங்கள் வீட்டில் நெயில் முந்திரி பொரித்து போட்டால் போரும்.

நான் எப்பவும் அதுபோல் வீட்டில் வைத்து இருப்பேன். எப்பவேண்டுமாலும் 'மா லட்டு' தயார் பண்ணலாம்.அதுவும் நொடியில்.

இந்த பொடியை பாலில் கரைத்து கொதிக்க வைத்தால், சுவையான பயத்தம் கஞ்சி / பாயாசம் ரெடி. நீங்களும் முயன்று பாருங்களேன்

krishnaamma
31-10-2012, 06:44 PM
தேவையானவை:
2cup முந்தரி
2cup சர்க்கரை
ஏலப்பொடி

செய்முறை:

முந்தரியை லேசாக வறுக்கவும்.
இரண்டாக உடைக்கவும் , ஒருப்பக்கமாக வைக்கவும்.
ஒரு வாணலில் சர்க்கரையை போடவும்.
அது உருகி 'பிரவுன்' கலராக வரும். அது 'caramel ' எனப்படும்.
அதில் உடைத்த முந்தரியை போடவும்.
மொத்தமாக சேர்ந்ததும் , தட்டில் கொட்டி , சூட்டுடன் உருண்டை பிடிக்கவும்.
'yummy ' லட்டு ரெடி.

krishnaamma
31-10-2012, 06:45 PM
தேவையானவை:
300gms சர்க்கரை இல்லாத கோவா
2cup முந்தரி
2cup சர்க்கரை (பொடித்தது )
ஏலப்பொடி

செய்முறை:

முந்தரியை லேசாக வறுக்கவும்.
10 முந்தரிகளை உடைக்கவும் , ஒருப்பக்கமாக வைக்கவும்.
மீதி முந்தரிகளை மிக்சியில் போட்டு பொடிக்கவும்.
வாணலில் பொடித்த சர்க்கரை, பொடித்த முந்தரி போடவும்.
நன்கு கிளறவும்.
ஏலப்பொடி , உதிர்த்த கோவா போடவும்.
நன்கு கிளறவும்.
உடைத்த முந்திரிகளை போடவும் .
மொத்தமாக சேர்ந்ததும் , தட்டில் கொட்டி , சூட்டுடன் உருண்டை பிடிக்கவும்.
'yummy ' லட்டு ரெடி.

krishnaamma
31-10-2012, 06:45 PM
தேவையானவை :
1 cup தேங்காய் துருவல்
1cup நெய்
1cup கடலை மாவு
1cup பால்
3cup சர்க்கரை
2 - 4 துளி வெனிலா எசன்ஸ்

செய்முறை:

மேல்சொன்ன எல்லா வற்றையும் ஒன்றாக ஒரு அடிகனமான பாத்திரத்தில் போடவும்.
அடுப்பில் வைத்து நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டவும்.
கொஞ்சம் ஆறினதும் துண்டம் போடவும்.

krishnaamma
31-10-2012, 06:46 PM
தேவையானவை :

கடலை மாவு ,சர்க்கரை,நெய் each 1cup
வால்நட், பாதாம் மற்றும் முந்திரி 1 /2cup
ஏலப்பொடி

செய்முறை:

சர்க்கரை யை பொடித்துக்கொள்ளவும்.
வாணலியில் நெய் விட்டு, கடலை மாவை போட்டு வாசனை வரும்
வரை வறுக்கவும்.
அடுப்பை அணைத்துவிட்டு, சர்க்கரை பொடி, ஏலப்பொடி மற்றும் வால்நட், பாதாம் மற்றும் முந்திரி போட்டு கை விடாமல் 5 நிமிடங்கள் கிளறவும்.
நெய்தடவிய தட்டில் கொட்டி துண்டம் போடவும்.
ரொம்ப ஈசி யான ஸ்வீட்.

krishnaamma
31-10-2012, 06:47 PM
தேவையானவை :

1cup கடலை மாவு
1 1 /2cup சர்க்கரை
1cup நெய்
1cup பால் பவுடர்
ஏலப்பொடி

செய்முறை:

வாணலியில் நெய் விட்டு, கடலை மாவை போட்டு வாசனை வரும்
வரை வறுக்கவும்.
அடுப்பை அணைத்துவிட்டு, பால் பவுடர், ஏலப்பொடி போட்டு கை விடாமல் 5 நிமிடங்கள் கிளறவும்.
மற்றும் ஒரு பாத்திரத்தில், சர்க்கரையை போட்டு பாகு காய்ச்சவும்.
'முத்துபாகு' வந்ததும், கலந்து வைத்துள்ள மாவை போட்டு நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
இதுவும் ரொம்ப ஈசி யான ஸ்வீட்.

குறிப்பு: 'முத்து பாகு' என்றால், சர்க்கரை பாகை ஸ்பூனில் எடுத்து தட்டில் விட்டால், அழகாக 'முத்து' போல் சொட்டும். அது தான் 'முத்து பாகு' பதம்.

krishnaamma
31-10-2012, 06:47 PM
தேவையானவை :

2cup காரட் துருவல்
2 1 /2 cup சர்க்கரை
3 /4 cup முந்திரி (பொடிக்கவும்)
2tabsp நெய்
2tabsp பால்
ஏலப்பொடி

செய்முறை:

வாணலியில் நெய் விட்டு, துருவின காரட் போட்டு நன்கு வதக்கவும்.
பால் + சர்க்கரை சேர்க்கவும்.
சர்க்கரை நன்கு கரைந்ததும் பொடித்துவைத்த முந்திரியை போடவும்.
நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
கலர் ஏதும் போடாமலே காரட் கலரில் பர்பி வரும்.

krishnaamma
31-10-2012, 06:48 PM
தேவையானவை:
1cup முந்தரி
1 1 / 2cup சர்க்கரை
1 /2cup பால்
3 - 4 ஸ்பூன் நெய்
ஏலப்பொடி

செய்முறை:

முந்தரியை பாலில் அரைமணி ஊறவைக்கவும்.
நன்கு அரைக்கவும்.
ஒரு வாணலில் சர்க்கரை, முந்தரி விழுது, நெய், மற்றும் ஏலப்பொடி போடவும்.
நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
மிருதுவான முந்தரி பர்பி தயார்.

krishnaamma
31-10-2012, 06:48 PM
தேவையானவை:
1cup பாதாம்
1 1 / 2cup சர்க்கரை
1 /2cup பால்
3 - 4 ஸ்பூன் நெய்
ஏலப்பொடி

செய்முறை:

பாதாமை பாலில் அரைமணி ஊறவைக்கவும்.
தோலியை நீக்கவும்.
நன்கு அரைக்கவும்.
ஒரு வாணலில் சர்க்கரை, பாதாம் விழுது, நெய், மற்றும் ஏலப்பொடி போடவும்.
நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
மிருதுவான பாதாம் பர்பி/கேக் தயார்.

krishnaamma
31-10-2012, 06:49 PM
தேவையானவை:

1cup பாதாம்விழுது
100gms நெய்
1 tin Condensed milk

செய்முறை:

ஒரு வாணலில் Condensed milk , பாதாம் விழுது, நெய் போடவும்.
நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
மிருதுவான பாதாம் பர்பி/கேக் தயார்.
5 நிமிடத்தில் கேக் தயாராகிவிடும் .

krishnaamma
31-10-2012, 06:50 PM
தேவையானவை :

1cup தேங்காய் துருவல்
1cup சர்க்கரை
1sp நெய்
ஏலப்பொடி
2sp உடைத்த முந்தரி (தேவையானால் )

செய்முறை:

ஒரு வாணலில் சர்க்கரை, தேங்காய் துருவல் போடவும்.
நன்கு கிளறவும்.
நெய் ஊற்றவும் , ஏலப்பொடி, உடைத்த முந்தரி போடவும்.
நன்கு கிளறவும்.
நன்கு நெய் பிரிந்து, ஒட்டாமல் வரும்போது, நெய்தடவிய தட்டில் கொட்டி துண்டம் போடவும்.
தேங்காய் பர்பி தயார்.
Cheap and best sweet ,with very less ghee .

krishnaamma
31-10-2012, 06:51 PM
மேலே சொன்ன பட்சணங்களை விட இந்த தீபாவளி மருந்து தான் ரொம்ப முக்கியம்.பட்சணங்களை சாப்பிட்டபின் தீபாவளி மருந்து எனப்படும் தீபாவளி லேகியம் சாப்பிடணும். அப்பதான் நம் வயிறு , வயிறாய் , இருக்கும்.
அது தயாரிக்கும் முறையை பார்போம். கஷ்டமானால் , கடையில் விற்கும்
லேகியம் (அடையாறு ஆனந்த பவனில் குட்டி குட்டி டப்பாகளில் விற்கிறார்கள் )
வாங்கியாவது சாப்பிடணும்.

தேவையானவை : (அளவு கண் அளவுதான் )

சுக்கு 2 இன்ச்
கண்டதிப்பிலி 1 /4 கை யளவு
ஓமம் கொஞ்சம்
மிளகு கொஞ்சம்
சீரகம் கொஞ்சம்
விரளிமஞ்சள் 4 - 5
தனியா 1 /2 கை யளவு
வெல்லம் கொஞ்சம்
நெய் 1 /2 cup
இஞ்சி சாறு 1 /4 cup

செய்முறை :

சுக்கு, கண்டதிப்பிலி, ஓமம், மிளகு, சீரகம், விரளிமஞ்சள், தனியா எல்லாவற்றையும் வாணலில் வறுக்கவும். (dryfry )
மிக்சியில் அரைக்கவும்.
ஒரு வாணலியில் வெல்லத்தை பொடித்துபோட்டு, தண்ணீர் விட்டு கொதிக்கவைக்கவும்.
வெல்லம் கரைந்ததும், வடிகட்டவும்
மீண்டும் அடுப்பில் வைத்து, பொடித்த பொடியை போட்டு கலக்கவும்
இஞ்சி சாறு சேர்க்கவும்.
நன்கு இறுகி வரும்போது நெய் விட்டு கிளறவும்.
லேகிய பதத்தில் இறக்கவும்.
பட்சணங்களை சாப்பிட்டபின் தீபாவளி மருந்து சாப்பிடணும் .

krishnaamma
31-10-2012, 06:52 PM
தேவையானவை :

பச்சரிசி அரை கிலோ
வெல்லம் கால் கிலோ
நெய் பொரிக்க
ஏலப்பொடி

செய்முறை:

பச்சரிசியை நன்கு களைந்து ,மூன்று மணிநேரம் ஊறவைக்கவும் .
பிறகு வடியவிட்டு தண்ணீர் நன்கு வடிந்ததும் ஒரு பத்து நிமிடம் துணி இல் போட்டு காயவைக்கவும்.
பிறகு சிறிது ஈரத்துடனேயே மிக்சி இல் மாவாக பொடிக்கவும்.
ஒரு வாணலி இல் தண்ணீர் விட்டு பொடித்த வெல்லத்தை போடவும்.
அரை அல்லது முக்கால் கப் தண்ணீர் விட்டு வெல்லத்தை கரையவிடவும்.
அது கரைந்ததும் டீ வடிகட்டி இல் வடிகட்டிக்கொள்ளவும்.
இப்படி செய்வதால் வெல்ல தண்ணிரில் இருக்கும் சிறு மண், கல் மற்றும் குப்பைகள் அகற்றப்படும். http://illiweb.com/fa/i/smiles/icon_smile.gif
இப்போது வெல்லம் நன்கு கொதிக்கும் வரை காத்திருக்கவும்.
ஒரு சிறு கிண்ணி இல் தண்ணீர் வைத்துக்கொள்ளவும்.
வெல்லம் கொதித்து கொஞ்சம் கெட்டியானதும் அதை கரண்டியால் கொஞ்சம் எடுத்து , கிண்ணி இல் உள்ள தண்ணிரில் விடவும்.
அது கை இல் எடுத்து உருட்டும் படி இருக்கணும்.
அப்படி இருந்தால் அது சரியான பதம்.
இல்லாவிட்டால் இன்னும் கொஞ்சம் கொதிக்கவிடணும்.
மீண்டும் மேலே சொன்னது போல செய்து பார்க்கணும்.
அப்படி சரியான பதம் வந்ததும் ஏலப்பொடி போடணும்.
கிளறி இறக்கணும்.
ஒரு பேசினில் அரிசி மாவை போடவும்.
பாகிலிருந்து ஒரு கரண்டி எடுத்து மாவில் விடவும்.
மாவை நன்கு கிளறவும
மீண்டும் மற்றும் ஒரு கரண்டி பாகை மாவில் விடவும் , கிளறவும்.
இவ்வாறு மாவு பாகை உறிஞ்சிக்கொண்டு கிட்ட தட்ட சப்பாத்தி மாவு போல வரும் வரை செய்யவும்.
இந்த பதத்தில் அதிரச மாவை இரண்டு நாட்கள் கூட வைத்திருக்கலாம்.
மீதி பாகு இருந்தால் பரவாஇல்லை பாயசத்துக்கு உபயோகிக்கலாம்.http://illiweb.com/fa/i/smiles/icon_smile.gif நல்லா இருக்கும்.
அதிரசம் செய்ய வேண்டும் போது, வாணலி இல் நெய் வைத்து அது காய்ந்ததும், மாவில் ஒரு உருண்டை எடுத்து வட்டமாக தட்டி நெய் இல் போடவும்.
வெந்ததும் மறுபுறம் திருப்பி போடவும்.
நல்ல பிரவுன் கலர் வந்ததும், கரண்டியால் எடுத்து, மற்றும் ஒரு கரண்டியால் அதில் ( அதிரசத்தில் ) இருக்கும் நெய்யை அழுத்தி நெய் வடிந்ததும் எடுத்து தட்டில் வைக்கவும் .
இதே போல மொத்த மாவையும் செய்யவும்.
மிருது வான அதிரசம் தயார் http://illiweb.com/fa/i/smiles/icon_smile.gif

குறிப்பு: சிலர் வெல்லத்துக்கு பதில் சர்க்கரை இல் செய்வார்கள் . அப்படி செய்வதானால் சர்க்கரை இன்னும் கொஞ்சம் அதிகம் போட்டுக்கணும் .

bmbcAdmin
31-10-2012, 09:26 PM
ஶ்ரீ:
க்ருஷ்ணாம்மா வந்தால்தான் போரம் களைகட்டுகிறது!!
கரண்ட் பிரச்சினை, இன்டெர்நெட் பிரச்சினையால் என்னாலும் நீண்டநாட்களாக
எதுவும் போஸ்ட் செய்யமுடியவில்லை.
என்.வி.எஸ்

krishnaamma
01-11-2012, 03:06 PM
ஶ்ரீ:
க்ருஷ்ணாம்மா வந்தால்தான் போரம் களைகட்டுகிறது!!
கரண்ட் பிரச்சினை, இன்டெர்நெட் பிரச்சினையால் என்னாலும் நீண்டநாட்களாக
எதுவும் போஸ்ட் செய்யமுடியவில்லை.
என்.வி.எஸ்

Thanks Mama :)

pamaran
02-11-2012, 04:26 PM
பலே! எல்லாவற்றையும் பண்ணிப் பார்த்து விடலாம்! எது ரொம்ப சுவையோ அதை தீபாவளியன்று பண்ணிக்கொள்ளலாம். Thanks Krishnammaa!

krishnaamma
09-11-2012, 06:51 PM
பலே! எல்லாவற்றையும் பண்ணிப் பார்த்து விடலாம்! எது ரொம்ப சுவையோ அதை தீபாவளியன்று பண்ணிக்கொள்ளலாம். Thanks Krishnammaa!

Thanks :) Maran :)

krishnaamma
09-11-2012, 06:52 PM
தேவையானவை :

ஒரு கப் கடலை மாவு
இரண்டு கப் நெய்
இரண்டு கப் சர்க்கரை
வேண்டுமானால் அரை ஸ்பூன் ஏலப்பொடி

செய்முறை :

ஒரு ஆழமான உருளி இல் ஒன்றரை கப் தண்ணீர் விட்டு , சர்க்கரையை போடவும்.
அது கொதித்து ஒரு இழை பாகாக வரும்போது ( கொதித்துக்கொண்டு இருக்கும் பாகை ஆள் காட்டி விரலால் தொட்டுக்கொண்டு அதை கட்டை விரலால் தொட்டால் நடுவில் ஒரு நூல் போல வரும் அது வே கம்பி பதம் http://illiweb.com/fa/i/smiles/icon_smile.gif ) அளந்து வைத்திருக்கும் கடலை மாவை ஒவ்வொரு டேபிள் ஸ்பூன் ஆக பாகில் தூவி கிளறனும்.
ஒரு ஸ்பூன் நெய் விடனும்.
இப்படி மொத்த மாவும் நெய்யும் முடியும் வரை போட்டு போட்டு கிளறனும்.
மொத்தமாக கொட்டக் கூடாது http://r18.imgfast.net/users/1813/71/41/02/smiles/139731.gif http://r18.imgfast.net/users/1813/71/41/02/smiles/139731.gif http://r18.imgfast.net/users/1813/71/41/02/smiles/139731.gif
மாவு கட்டி இல்லாமல் இருப்பது முக்கியம்.
ஒரு கட்டத்தில் உருளி இல் இருக்கும் மைசூர் பாகு இல் நெய் பிரிந்து வர ஆரம்பிக்கும்.
மேலும் நிறைய ஓட்டைகள் இருப்பது போல தோன்ற ஆரம்பிக்கும்.
இப்போது அடுப்பை சின்னதாக்கி விட்டு ஒரு தட்டில் நெய் கொஞ்சம் தடவவும்.
மைசூர் பாகை அதில் கொட்டவும்.
ஒரு பத்து நிமிடம் ஆறினதும் துண்டங்கள் போடலாம்.


குறிப்பு: மைசூர் பாகு மெத் என்று கிருஷ்ணா ஸ்வீட்ஸ் போல வேண்டுமானால், சர்க்கரை யை ஒன்றரை கப் எடுத்துக்கொள்ளுங்கள் . மற்றும் கிளறும்போது ஒரு சிட்டிகை சோடா உப்பும் சேர்த்துக்கொள்ளுங்கள்.சரியா? http://illiweb.com/fa/i/smiles/icon_smile.gif

bmbcAdmin
09-11-2012, 07:14 PM
Thanks :) Maran :)
ஶ்ரீ:
ஹலோ க்ருஷ்ணாம்மா,
அவர் 'மரன்' ம் இல்லே, 'பாமரன்' ம் இல்லே,
பல ஆசார்யாளுடைய திவ்யானுக்ரஹத்திற்குப் பாத்திரமான,
"பலே மாறன்"
- மாறன்னா நம்மாழ்வார்ன்னு அர்த்தம்.
என்.வி.எஸ்

krishnaamma
18-06-2013, 11:01 AM
ஶ்ரீ:
ஹலோ க்ருஷ்ணாம்மா,
அவர் 'மரன்' ம் இல்லே, 'பாமரன்' ம் இல்லே,
பல ஆசார்யாளுடைய திவ்யானுக்ரஹத்திற்குப் பாத்திரமான,
"பலே மாறன்"
- மாறன்னா நம்மாழ்வார்ன்னு அர்த்தம்.
என்.வி.எஸ்

Thanks for the information mama :)