நாலாயிர திவ்ய பிரபந்தம் - பெரியாழ்வார் பா

அப்பம் கலந்த சிற்றுண்டி
அக்காரம் பாலில் கலந்து
சொப்பட நான் கட்டு வைத்தேன்
தின்னல் உறுதியேல் நம்பி!
செப்பு இள முலையார்கள்
சிறுபுறம் பேசிச் சிரிப்பர்
சொப்பட நீராட வேண்டும்
சோத்தம் பிரான் இங்கே வாராய்.
பொருள்: என் தலைவனே! கண்ணனே! இளம்பெண்கள் உன்னைப் பற்றிப் புறம் பேசிச் சிரிக்கிறார்கள். உன்னை வணங்கிக் கேட்கிறேன். உனக்காக அப்பத்துடன் சித்ரான்ன வகைகளும், பால் கலந்த அக்கார அடிசிலும் வைத்திருக்கிறேன். அவற்றை உண்ண விரும்பினால் நீராட வருவாயாக.