ரவா தோசை 4

[krishnaamma]

மஹாளபக்ஷம் - பலகாரம் - ரவா தோசை

தேவையானவை :

பாம்பே ரவா 1 கப்
அரிசிமாவு 1 கப்
மைதா ஒரு டேபிள் ஸ்பூன்
கோதுமைமாவு 1 டேபிள் ஸ்பூன்
சீரகம் பொடித்தது 1 ஸ்பூன்
கறிவேப்பிலை கொஞ்சம்
மோர் 2 கப்
உப்பு
எண்ணெய் தோசை வார்க்க

செய்முறை :

வாணலி இல் பாம்பே ரவா மற்றும் அரிசி மாவை கொஞ்சம் தண்ணீர்விட்டு ஊறவைக்கவும்.
ஒரு அரை மணி ஊரினதும் , மிக்சி இல் ஒரு சுற்று சுற்றி எடுக்கவும்; உப்பு போடவும்.
பிறகு அதில் மைதா மற்றும் கோதுமை மாவு மற்ற சாமான்களை போடவும்.
நன்கு கையால் கலக்கவும்.
பிறகு மோர் விட்டு கட்டிகளில்லாமல் கரைக்கவும்.
ஒரு அரைமணி வைத்திருந்து மெல்லிய தோசைகளாய் வார்க்கவும்.
நல்ல கரகரப்பாக அதாவது மொறுமொறுப்பாக வரும்.

குறிப்பு : சாதாரண தோசை போல இல்லாமல் இந்த மாவை தோசை கல்லின் ஓரத்திலிருந்து விடனும். நடுவில் விட்டு பரத்த முடியாது.

[P.S.NARASIMHAN]

Re: ரவா தோசை 4

ரவா தோசை

மாமி நீங்க என்ன சொன்னாலும் ஹோட்டல்ல செய்யறமாதிரி நம்ம ஆத்திலே தோசைஓரத்திலே மெலிசா
கரகரன்னு வரலையே. அவா மாத்திரம் எப்படி செய்யரா.

[krishnaamma]

Re: ரவா தோசை 4

கண்டிப்பாக வருமே மாமா, நான் அடுத்த முறை செய்யும்போது போட்டோ போடறேன் பாருங்கோ நான் போட்டுள்ள 'ரவா தோசை' செய்து பருங்கள் மேலே கொடுத்துள்ளது 4 வகை. முதல் வகை தோசை கண்டிப்பாக ஹோட்டல் தோசை போலவே வரும்.