திருவரங்கத்தந்தாதி 63 மால் நிற்பதும் வளர்

[sridharv1946]

திருவரங்கத்தந்தாதி 63 மால் நிற்பதும் வளர்வதும் இருப்பதும் ஆடுவதும் இங்கே !

வடமலைதென்மலைகச்சிகுறுங்குடிமானிற்பது
வடமலைவேலையரங்கங்குடந்தைவளருமிடம்
வடமலைகொங்கைத்திருவோடிருப்புவைகுந்தங்கர
வடமலையன்பருளநடையாட்டமறையந்தமே

பதவுரை : வட + மலை
வடம் + அலை

மால் திருமால்
நிற்பது நின்ற கோலத்தில் இருப்பது :
வடமலை திருவேங்கடம் (வட நாடு ) ,
தென்மலை திருமாலிருஞ்சோலை ( பாண்டிய நாடு ) ,
கச்சி காஞ்சி புரம் (தொண்டை நாடு ),
குறுங்குடி திருக்குறுங்குடி ( பாண்டிய நாடு ) ;
வளருமிடம் பள்ளி கொண்ட கோலத்தில் இருப்பது :
வடம் ஆலிலை ,
அலை வேலை அலைகளுடைய பாற்கடல் ,
அரங்கம் ஸ்ரீரங்கம் (சோழ நாடு ) ,
குடந்தை கும்பகோணம் (சோழ நாடு );
வடம் அலை கொங்கை மாலைகள் அசையும் தனங்கள் கொண்ட
திருவோடு இருப்பு லக்ஷ்மியுடன் அமர்ந்திருப்பது :
வைகுந்தம் பரமபதம் ஆகும் ;
நடை நடந்து சென்று இருக்குமிடம் :
கரவடம் மலை கபடம் இல்லாத
அன்பர் உள்ளம் பக்தர்கள்டைய மனம் ஆகும் ;
ஆட்டம் மகிழ்ச்சியாக நடனம் ஆடும் இடம் :
மறை அந்தம் வேதாந்தமாகிய உபநிஷத்துக்கள் ஆகும் :