PDA

View Full Version : திரு வேங்கடத்து அந்தாதி 17/100 அனந்த சயனனை வணங



sridharv1946
27-07-2013, 08:09 PM
திரு வேங்கடத்து அந்தாதி 17/100 அனந்த சயனனை வணங்க அனந்தல் அழித்து அணுகுங்கள் !

இருப்பதனந்தனிலெண்ணலில்வைகுந்தத்தென்பர்வெள்ளிப்-
பருப்பதனந்தண்மலரோனறிகிலர்பாரளந்த
திருப்பதனந்தன்மதலைநிற்குந்திருவேங்கடமென்
பொருப்பதனந்தறவிர்ந்துயிர்காடொழப்போதுமினே


https://encrypted-tbn0.gstatic.com/images?q=tbn:ANd9GcT6AJ7AS8tkvhPhQBS44Z2LlZ0cwt4QtZhGksOspo-mbqI6h0K2

பதவுரை : இருப்பது + அனந்தனில்
பருப்பதன் + அம் + தண்
திரு + பதன் + நந்தன்
பொருப்பு + அது + அனந்தல்

உயிர்காள் உயிர் உள்ளவர்களே !
இருப்பது எம்பெருமான் ஆட்சி செய்வது
எண்ணல் இல் வைகுந்தத்து நினைக்க முடியாத ஸ்ரீ வைகுண்டத்தில்
அனந்தனில் என்பர் ஆதி சேஷன் மீது என்று கூறுவர்
வெள்ளி பருப்பதன் கைலாசத்தில் உள்ள சிவனும் ,
அம் தண் மலரோன் அழகிய குளிர்ந்த தாமரையில் உள்ள பிரமனும்
அறிகிலர் அறிய முடியவில்லை .
பார் அளந்த திருப் பதன் உலகை அளந்த திருவடிகள் உடையவனும் ,
நந்தன் மதலை நந்தகோபன் குமரனும் ஆன திருமால்
நிற்கும் நின்ற கோலத்தில் அருளும்
திருவேங்கடம் என் பொருப்பு திரு வேங்கடம் என்னும் மலையை
அனந்தல் தவிர்த்து சோம்பல் ஒழித்து
தொழப் போதுமின் வணங்க வாருங்கள்