4. நூற்றெட்டு திருப்பதி அந்தாதி - 026/116 திருநறை

[sridharv1946]

4. நூற்றெட்டு திருப்பதி அந்தாதி - 026/116 திருநறையூர் நின்றான் செயல் யாரும் அறியாரே !

திருப்பதி - 20/108. சோழ நாடு - 20/40 :

செய்ய சடையோன் , திசை முகத்தோன் , வானவர் கோன் ,
ஐயம் அறுத்து இன்னம் அறியாரே - துய்ய
மருநறை ஊர் வண் துழாய் மாயோன் , செவ்வாயோன் ,
திருநறையூர் நின்றான் செயல்

பதவுரை :

துய்ய மருநறை ஊர் தூய்மையான நறு மணமும் தேனும் பொருந்திய
வண் துழாய் மாயோன் செழுமையான திருத்துழாய் அணிந்த மாயனும் ,
செவ்வாயோன் சிவந்த திரு அதரத்தை உடையவனும் ,
திருநறையூர் நின்றான் திரு நறையூரில் நிற்பவனுமான எம்பெருமானின்
செயல் செய்கைகளைப் பற்றி
செய்ய சடையோன் சிவந்த சடையை உடைய சிவனும் ,
திசை முகத்தோன் நான்கு முகம் உடைய பிரமனும் ,
வானவர் கோன் தேவர் தலைவனான இந்திரனும்
ஐயம் அறுத்து சந்தேகம் இல்லாமல்
இன்னம் அறியாரே இன்னம் அறிய மாட்டார்கள்

V.Sridhar