ராமானுச நூற்றந்தாதி 003/111 தனியன் 3/3 : நாமங்கள் ந&

[sridharv1946]

ராமானுச நூற்றந்தாதி 003/111 தனியன் 3/3 : நாமங்கள் நாவினுள் நல்கு !

சொல்லின் தொகை கொண்டு உன் அடிப்போதுக்குத் தொண்டு செய்யும்

நல் அன்பர் ஏத்தும் உன் நாமம் எல்லாம் என் தன் நாவின் உள்ளே
அல்லும் பகலும் அமரும்படி நல்கு அறு சமயம்
வெல்லும் பரம ! இராமானுச ! இது என் விண்ணப்பமே

அறு சமயம் வேதத்துக்குப் புறம்பான ஆறு சமயங்களை
வெல்லும் பரம ! எளிதாக வென்றவனே !
இராமானுச ! இராமானுஜனே !
உன் அடிப்போதுக்கு உன் திருவடித் தாமரைகளுக்கு
தொண்டு செய்யும் எப்போதும் தொண்டு செய்பவரும் ,
நல் அன்பர் நல்ல பக்தருமான திரு அரங்கத்து அமுதனார்
சொல்லின் தொகை கொண்டு விரிவான சொற்களைக் கொண்டு
ஏத்தும் உன் நாமம் எல்லாம் புகழ்ந்த உன் திரு நாமங்கள் எல்லாம்
என் தன் நாவின் உள்ளே என்னுடைய நாவினுள்
அல்லும் பகலும் எப்பொழுதும்
அமரும்படி நல்கு இருக்கும்படி அருள்வாயாக
இது என் விண்ணப்பமே இதுவே என் வேண்டுகோள் !

--
V.Sridhar