12-10-2017 RADHA JAYANTHI. first let us know about RADHA.

ஐந்து பிரகிருதிகள்


பரமாத்மா , வானம், காலம், திக்கு பிரபஞ்ச பூகோளம், கோலோகம், வைகுண்டம் ஆகியவை நித்திய மாக இருப்பவை. பரப்ருஹ்மத்தின் லீலையாக அதில் ஒன்றித்து இருக்கும் பிரகிருதியும் நித்திய மாக உள்ளது.

தாமரை பூவில் பிரகாசத்தை போலவும், நெருப்பில் சூடு போலவும் சூரியனிடம் வெய்யல் போலவும், பிரகிருதியானது எப்போதும் அபேத மாக இருக்கிறது.


தட்டான் தங்கம் இல்லாமல் தங்க ஆபரணம் எப்படி செய்ய முடியாதோ; மண் இல்லாமல் குயவன் மண் குடம் எப்படி செய்ய முடியாதோ ;அது போல பிரபஞ்ச படைப்பை அந்த ப்ரகிருதி இல்லாமல் பரமேஸ்வரனாலும் செய்ய முடியாது. ஸர்வ சக்தி வடிவமாக இருக்கும் அந்த ப்ரகிருதியின் சம்பந்ததினால் தான் பரமபுருஷன் சக்திமான் என்று வழங்க படுகிறான்.




சக்தி என்பது ஐஸ்வர்யம், பராக்ரமம் என்ற இரண்டு அர்த்தமுள்ளது. பிரகிருதி அந்த இரண்டையுமே தன் உருவாக கொண்டு , ஐஸ்வரிய உருவாகவும், பராக்ரம உருவாகவும் இருந்து, அந்த இரண்டையுமே வழங்குவதால் சக்தி என்று கூறப்படுகிறது.

பகம் எனப்படும் சொல் ஞானம், சமிருத்தி சம்பத்து, யசஸ், வலிமை, என்னும் பொருள்களை கொண்டது. பக வடிவமான சக்தி அந்த பிரகிருதியே ஆகையால் பகவதி என்று அழைக்க படுகிறாள்.
இந்த பகவதியோடு பரமாத்மா கூடி இருப்பதால் பகவான் என அழைக்கிறோம்.


அதனால் அந்த பகவான் தனது இச்சையால் உருவமுள்ளவராகவும், உருவம் இல்லாதவராகவும் விளங்குகிறார். எனவே யோகிகள் அவரை உருவ முள்ளவராகவும், உருவ மில்லாதவராகவும் தியானித்து ,


பர ப்ருஹ்மம், பரமாத்மா , ஈஸ்வரன் என்றும் போற்றி துதிக்கிறார்கள்.
யாருக்கும் அவர் புலப்படாதவர், யாவரையும் அவர் காணக்கூடியவர் , எல்லாம் அறிந்தவர், எல்லாம் தந்து அருள்பவர், எங்கும் எதிலும் நிறைந்தவர்,, அனைத்திற்கும் ஆதி காரண மானவர் என்றும் போற்றி துதிக்கிறார்கள்.


ஸ்ரீ் வைஷ்ணவரின் கருத்தாவது:--


ப்ரகாசம் உள்ள பொருளே இல்லாமல் ப்ரகாசம் என்பது எப்படி இருக்க முடியும். ஆகவே ப்ருஹ்ம தேஜஸ் உள்ள ஒரு பொருள் தேஜோ மண்டலத்தில் இருக்கிறது. அது தன் இச்சையாக இயங்குகிறது. அதுவே அனைத்துருவம், அனைத்துக்கும் காரண காரணம். அதுவே பரப்ருஹ்மம் என போற்றி துதிக்கின்றனர். அதுவே பரமாத்மா ஸ்ரீ் கிருஷ்ணமூர்த்தி என்று சொல்லபடுகிறது.

Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends




கிருஷ் என்பது பரப்ருஹ்ம; பக்தி என்றும் ண என்பது தாசத்தன்மை என்றும் அர்த்தபடுவதால் அவ்விரண்டையும் வழங்ககூடிய அதற்கு கிருஷ்ணர் என்ற பெயர் வந்தது என்று கூறுவார்கள்.