திருவரங்கத்தந்தாதி 39 வில் இட ராகவன் இதயதĮ

[sridharv1946]

திருவரங்கத்தந்தாதி 39 வில் இட ராகவன் இதயத்தன் ஆனால் இடராக எது வரும் ?

இடராகவந்தென்னைப்புன்சிறுதெய்வங்களென்செயுமான்-
இடராகவன்பிணிமாநாகமென்செயும்யான்வெருவி-
இடராகவன்னிபுனலிடிகோண்மற்றுமென்செயும்வில்
இடராகவன்னரங்கன்றிருத்தாளென்னிதயத்ததே

பதவுரை :

வில் இட ராகவன் வில்லை இடக்கையில் கொண்ட ராமனான
அரங்கன் திருத்தாள் ரங்கநாதனது திருவடி
என் இதயத்தது அடியேன் மனத்தில் உள்ளது. (ஆதலால் )
புன் சிறு தெய்வங்கள் இழிந்த அற்ப தேவதைகள்
என்னை அடியேனை
இடராக வந்து துன்பம் கொடுக்க நெருங்கி வந்து
என் செயும் என்ன செய்ய முடியும் ?
மானிடர் ஆக மனித சரீரத்தை வருத்தும்
வன் பிணி கொடுமையான நோய்களாகிய
மா நாகம் பெரிய பாம்புகள்
என் செயும் என்ன செய்ய முடியும் ?
ராக வன்னி செந்நிறம் கொண்ட தீ,
புனல்,இடி,கோள் நீர்,இடி, நவ கிரஹங்களும்,
மற்றும் இன்னும் தீங்கு விளைவிப்பவைகளும்
யான் வெருவிட நான் அஞ்சும்படி
என் செயும் என்ன செய்ய முடியும் ?