திரு வேங்கடத்து அந்தாதி 4/100 ஆரணம் போற்றும் &

[sridharv1946]

திரு வேங்கடத்து அந்தாதி 4/100 ஆரணம் போற்றும் காரணன் நாரணனே !

இருக்காரணஞ்சொல்லுமெப்பொருளின்பமுமெப்பொருட்குங்-
கருக்காரணமுநற்றாயுநற்றந்தையுங்கஞ்சச்செல்வப்-
பெருக்காரணங்கின்றலைவனுமாதிப்பெருந்தெய்வமு-
மருக்காரணவும்பொழில்வடவேங்கடமாயவனே

பதவுரை : இருக்கு + ஆரணம்
கரு + காரணம்
பெருக்கு + ஆரணங்கின்
மரு + கார் + அணவும்

Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends

இருக்கு ஆரணம் சொல்லும் ருக் முதலிய வேதங்கள் சொல்லும்
எப்பொருள் இன்பமும் எல்லா பொருட்களும் , எல்லா ஆன்ந்தங்களும் ,
எப்பொருட்கும் கருக்காரணமும் எல்லாப் பொருட்களுக்கும் மூல காரணமும் ,
நல் தாயும் பிரியமுடைய நல்ல தாயும் ,
நல தந்தையும் ஹிதம் விரும்பும் நல்ல தந்தையும் ,

கஞ்சச்செல்வப் பெருக்கு தாமரையில் இருப்பவளும் , ஐஸ்வர்யம் நிரம்பியவளுமான
ஆரணங்கின் தலைவனும் மகா லக்ஷ்மியின் கணவனும் ,
ஆதிப் பெரும் தெய்வமும் முதன்மையான பெருமை உடைய தெய்வமும் ,
மறு கார் அணவும் பொழில் மணமுள்ளதும் , மேகம் தழுவுவதுமான சோலைகளுடைய
வடவேங்கட மாயவனே வடக்கே உள்ள வேங்கடமலையில் இருக்கும் திருமாலே !