திரு வேங்கடத்து அந்தாதி 42/100 ஆணையைக் காத்த அ

[sridharv1946]

திரு வேங்கடத்து அந்தாதி 42/100ஆனையைக் காத்த அச்சுதனுக்கு ஒப்பார் இல்லை !

Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends

உன்னைக்கரியமிடற்றனயன்முதலும்பரெல்லாம்
பொன்னைக்கரியொத்தபோதுமொவ்வார்புகழ்க்கோசலையா-
மன்னைக்கரியமுத்தேயப்பனேயுன்னையன்றிப்பின்னை
முன்னைக்கரியளித்தாய்க்குவமானமொழியில்லையே


பதவுரை : உன்னை + கரிய
பொன்னை + கரி
அன்னைக்கு + அரிய
முன்னை + கரி

புகழ்க் கோசலையாம் அன்னைக்கு கீர்த்தியுடைய கௌசல்யை அன்னைக்கு அரிய முத்தே அருமையான முத்து போன்றவனே !
அப்பனே வேங்கடவா !
கரி பொன்னை ஒத்த போதும் கரி தங்கத்துக்கு ஒப்பு ஆனாலும் (ஆகாது )
கரிய மிடற்றன் அயன் முதல் நீலகண்டன் ஆன சிவன் , பிரமன் முதலிய
உம்பர் எல்லாம் உன்னை ஒவ்வார் தேவர்கள் எல்லோரும் உனக்கு ஒப்பாக மாட்டார்கள்
முன்னை கரி அளித்தாய்க்கு முன்பு கஜேந்திரனைப் பாதுகாத்த உனக்கு
உன்னை அன்றி பின்னை உன்னை விட்டால் பிறகு
உவமானம் மொழி இல்லை வேறு ஒப்பவர் இல்லை