திரு வேங்கடத்து அந்தாதி 80/100 கேழல் , அரி , கண்ண

[sridharv1946]

திரு வேங்கடத்து அந்தாதி 80/100 கேழல் , அரி , கண்ணன் , ராகவன் எல்லாம் வேங்கடவனே !

இரணியனாட்டனிரணியனீரைந்தலையன் கஞ்சன்
முரணியகோட்டினகத்திற்சரத்தின்முன்றாளிற்றுஞ்சத்-
தரணியிற்குத்தியிடந்தெய்துதைத்தவன் சர்ப்பவெற்ப-
னரணியகேழலரிராகவன் கண்ணனாகிவந்தே




பதவுரை :


அரணிய அரண் போல் காக்கும்
சர்ப்ப வெற்பன் சேஷ கிரி என்னும் திருவேங்கட மலையின் நாதனே
கேழல் இரண்யநாட்டன் வராஹனாக ஹிரண்யாக்ஷனை
முரணிய கோட்டின் குத்தி வலிமையுள்ள கொம்பினால் குத்தியும் ,
அரி இரணியன் நகத்தின் இடந்தும் நரசிம்ஹனாக இரணியனை நகத்தினால் பிளந்தும் ,
ராகவன் ஈரைந்தலையன் ராமனாக பத்து தலை ராவணனை
சரத்தின்எய்தவன் அம்புகளை தொடுத்தும் ,
கண்ணனாக கஞ்சன் கிருஷ்ணனாக கம்சனை
முன் தாளில் உதைத்தவன் முந்தி நீட்டிய காலினால் உதைத்தும் ,
தரணியில் துஞ்சவந்தேபூமியில் எதிரிகள் இறக்கும்படி செய்ய வந்தவன் ஆவான்