திரு வேங்கடத்து அந்தாதி 83/100 நும் தீது அற வேங

[sridharv1946]

திரு வேங்கடத்து அந்தாதி 83/100 நும் தீது அற வேங்கடவனைத் தேரும் !

பேரானைக் கோட்டினைப் பேர்த்தானை வேங்கடம் பேணுந்துழாய்த்-
தாரானைப் போதனைத் தந்தானை எந்தையைச் சாடிறப்பாய்ந்-
தூரானை மேய்த்துப் புள்ளூர்ந்தானைப் பஞ்சவர்க்கு உய்த்து நின்ற
தேரானை நான் மறை தேர்ந்தானைத் தேருநுந்தீதறுமே



பதவுரை :பேர் + ஆனை
தாரானை
ஊர் + ஆனை
தேரானை


பேர் ஆனைக் குவலயாபீடம் என்னும் பெரிய யானையின்
கோட்டினைப் பேர்த்தானைதந்தங்களைப் பெயர்த்து எடுத்தவனும் ,
வேங்கடம் பேணும் வேங்கடமலையை விரும்பித தங்குமிடமாகக் கொண்டவனும் ,
துழாய்த் தாரானை துளசி மாலை அணிந்தவனும் ,
போதனைத் தந்தானை பிரமனைப் படைத்தவனும் ,
எந்தையை எமது தலைவனும் ,
சாடு இறப் பாய்ந்து சகடாசுரன் ஒழியும்படி தாவி உதைத்தவனும் ,
ஊர் ஆனை மேய்த்தானை ஊரில் உள்ள பசுக்களை மேய்த்தவனும் ,
புள் ஊர்ந்தானை கருடனை வாஹனமாக உடையவனும் ,
பஞ்சவர்க்கு பஞ்ச பாண்டவரில் ஒருவனான அர்ஜுனனுக்கு
உய்த்து நின்ற தேரானை தேரைச் செலுத்தியவனும் ,
நால் மறை தேர்ந்தானை நான்கு வேதங்களாலும் ஆராயப்பட்டவனுமான வேங்கடவனை
தேரும் அறிந்து துதியுங்கள் !
நும் தீது அறும் உங்கள் துன்பங்கள் நீங்கும் !