3. அழகர் அந்தாதி - 003/100 அழகரிடம் பித்தர் ஆகுவீர&

[sridharv1946]

3. அழகர் அந்தாதி- 003/100 அழகரிடம் பித்தர் ஆகுவீர் !

மாணிக்கனகம் புரை மேனி மாலுக்கு வார்சடையோன்
பாணிக்கனகம் பலி ஒழித்தானுக்கு , பச்சைத்துழாய்
ஆணிக்கனகமுடி அலங்காரனுக்கு , அண்டம் எல்லாம்
பேணிக்கனகனுக்கு - பித்தர் ஆனவர் பித்தர் அன்றே




பதவுரை :மாணிக்க + நகம் (மலை)
பாணி + கன + கம் (கபாலம்)
ஆணி + கனக + முடி (கிரீடம்)
பேணிக்கு + அனகனுக்கு


மாணிக்க நகம் புரை மேனி மாலுக்கு மாணிக்க மலையை ஒத்த மேனி உடைய திருமாலும் ,

வார் சடையான் நீண்ட சடையைக் கொண்ட சிவனுடைய

பாணி கன கம் கையில் இருந்த கனமான கபாலத்துடன்
பலி ஒழித்தானை பிச்சை எடுப்பதை நீக்கியவனும் ,
அண்டம் எல்லாம் பேணிக்கு அண்ட கோளங்களை எல்லாம் காப்பவனும் ,
அனகனும் குற்றம் இல்லாதவனும் ,
பச்சைத் துழாய் பசுமையான து ளசி மாலை அணிந்தவனும் ,
ஆணிக் கனக முடி ஆணிப் பொன் கிரீடம் அணிந்தவனுமான
அலங்காரனுக்கு பித்தர் ஆனார் அழகர் பிரானிடம் பித்து கொண்டவர்
பித்தர் அன்றே சாதாரண் பித்தர் போன்று இகழத் தக்கவர் அல்ல