3. அழகர் அந்தாதி- 004/100 அழகா ! கடையனைக் கணியாய் !

பித்தரும்பாநின்ற நெஞ்சனை வஞ்சனை பேர் உலகோர்
கைத்தரும்பாவி எனும் கடையோனை கடைக்கணியாய் !
முத்தரும்பாரும்தொழும் அழகா ! வண்டு மூசும் துழாய்ப்-
புத்தரும்பார்முடியாய் ! அடியாரைப் புரப்பவனே !


:
பதவுரை : பித்து + அரும்பாநின்ற
கைத்து + அரும்பாவி
முத்தரும் + பாரும்
புது + அரும்பு + ஆர்


முத்தரும் பாரும் தொழும் அழகா முக்தி பெற்றவரும் உலகத்தாரும் வணங்கும் அழகனே !
வண்டு மூசும் வண்டுகள் மொய்க்கும்
துழாய்ப் புத்தரும்பு ஆர் முடியாய் துளசியின் உதிய அரும்புகள் பொருந்திய முடி உள்ளவனே !
அடியாரைப் புரப்பவனே பக்தர்களைக் காப்பவனே !
பித்து அரும்பாநின்ற நெஞ்சனை பித்து உண்டாகும் நெஞ்சு உடையவனும் ,
வஞ்சனை வஞ்சகமுடையவனும் ,
பேர் உலகோர் கைத்து பெரிய உலகில் உள்ள பலரும் வெறுத்து
அரும்பாவி எனும் கடையேனை கொடிய பாவி என்று இகழும் கடைப்பட்டவனுமான என்னை
கடைக் கணியாய் கடாட்சித்து அருள்வாய் !



Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends