3. அழகர் அந்தாதி - 007/100 விடைவெற்பின் வித்தகரே ! ĩ

[sridharv1946]

3. அழகர் அந்தாதி- 007/100 விடைவெற்பின் வித்தகரே ! சரணம் தரவேண்டும் !


கூடுகைக்குஞ்சரமத்தடியேற்குகே கொடியவஞ்சஞ்-
சாடுகைக்குஞ்சரணந்தரவேண்டும் தடத்தழுந்தி
வாடுகைக்குஞ்சரந்காத்தீர் விண்வாழ்கைக்கும் வாளரக்கர்
வீ டுகைக்குஞ்சரந்கோத்தீர் விடைவெற்பின் வித்தகரே


பதவுரை : கூடு + கைக்கும் + சரமத்து
சாடுகைக்கு + உம் + சரணம்
வாடு + கை + குஞ்சரம் வீடுகைக்கும் + சரம்

தடத்து அழுந்தி வாடு தடாகத்தில் முதலையால் மூழ்கி வருந்திய
கைக்குஞ்சரம் காத்தீர் யானையை பாதுகாத்தவரே !
விண் வாழ்க்கைக்கும் தேவர்கள் வாழ்வதற்கும்
வாள் அரக்கர் வீடுகைக்கும் கொடிய அரக்கர்கள் வீழ்வதற்கும்
சரம் கோத்தீர் அம்புகளைத் தொடுத்தவரே !
விடை வெற்பின் வித்தகரே ரிஷப கிரியான அழகர் மலையில் இருக்கும் ஞானசொரூபனே !
கூடு கைக்கும் சரமத்து உடலை உயிர் வெறுத்து நீங்கும் கடைசி காலத்தில்
அடியேற்கு அடியவனான எனக்கு
கொடிய வஞ்சச் சாடு கொடுமையான வஞ்ச எண்ணங்களை
உகைக்கும் சரணம் அழிக்கும் திருவடிகளை
தரவேண்டும் தந்து அருள வேண்டும்