3. அழகர் அந்தாதி - 010/100 மாலலங்காரனை ஏத்த நீங்கு

[sridharv1946]

3. அழகர் அந்தாதி - 010/100 மாலலங்காரனை ஏத்த நீங்கும் இருவினையே !

செய்தவராக வருந்தியும் தீர்த்தத்துறை படிந்துங்-
கைதவராகமம் கற்றுமென்னாம் கடற்பார்மருப்பிற்-
பெய்தவராகனை மாலலங்காரனைப் பேரிலங்கை-
யெய்தவராகவவென்றுஏத்த நீங்கும் இருவினையே



பதவுரை : செய் + தவர் + ஆக

கைதவர் + ஆகமம்
பெய்த + வராகனை
யெய்தவ + ராகவ

செய் தவர் ஆக வருந்தியும் தவம் செய்து கஷ்டப்பட்டும் ,
தீர்த்தத் துறை படிந்தும் புண்ய தீர்த்தங்களில் நீராடியும் ,
கைதவர் ஆகமம் கற்றும் வஞ்சகப் பிற மதங்களின் ஆகமங்களை ஓதி உணர்ந்தும்
என் ஆம் என்ன பயன் ?
கடல் பார் மருப்பில் பெய்த கடல் சூழ்ந்த பூமியை கோட்டில் ஏந்திய
வராகனை மால் அலங்காரனை வராஹன் ஆன பெருமையுள்ள அழகனை
பேர் இலங்கை எய்தவ ராகவ பெரிய இலங்கை மீது அம்பு எய்தவனே ! ராகவனே !
என்று ஏத்த என்று துதித்தால்
இரு வினை நீங்கும் நல் வினை தீவினை இரண்டும் விலகும்