3. அழகர் அந்தாதி - 028/100 சிலரே சோலைமலை எம்பிராற்

[sridharv1946]

3. அழகர் அந்தாதி - 028/100 சிலரே சோலைமலை எம்பிராற்கு உள்ளம் காதலரே !

தனத்துக்கராவிய வேல்விழிக்கு ஏக்கற்று தையலரால்
தினந்துக்கராகித் திரிவார் பலர் ; சிலர் செங்கமல-
வனத்துக்கராசலம் காத்தாற்கு சோலைமலையில் நின்ற
கனத்துக்கராவணையார்க்கு எம்பிராற்கு உள்ளம் காதலரே



பதவுரை : தனத்துக்கு + அராவிய
தினம் + துக்கர் + ஆகி
வனத்து + கராசலம்
கணத்துக்கு + அரா


தனத்துக்கு அராவிய வேல் விழிக்கு கொங்கைக்கும் , கூரிய வேல் போன்ற கண்களுக்கும்
ஏக்கற்று தையலரலால் ஏங்கி , பெண்களால்
தினம் துக்கர் ஆகி எந்நாளும் துன்பம் உடையவர்களாய்
பலர் திரிவார் பலர் வீணே அலைவார்கள்
சிலர் ஆனால் சிலரே
செங்கமல வனத்து தாமரைகள் மலர்ந்த தடாகத்தில்
கராசலம் காத்தாற்கு கஜேந்திரனைக் காப்பாற்றியவரும் ,
சோலைமலையில் நின்ற திரு மாலிருஞ்சோலையில் நிற்பவரும் ,
கனத்துக்கு கரிய மேகம் போன்ற நிறம் உடையவரும் ,
அரா அணையாற்கு ஆதி சேஷன் மேல் பள்ளி கொண்டவருமான
எம்பிராற்கு உள்ளம் காதலரே எம்பிரானை மனத்தால் விரும்புவார்கள் .