3. அழகர் அந்தாதி - 037/100 உடலைக் காதி அராவினும் அழ

[sridharv1946]

3. அழகர் அந்தாதி - 037/100 உடலைக் காதி அராவினும் அழகர் அன்றி பிறரைத் தொழேன் !

ஆதியராவில் துயில் அலங்காரர் அழகர் அன்பாம்
வேதியராவுதி வீற்றிருப்பார் அண்டம் மீது இருக்கும்
சோதியராவின் பின் போந்தாரை அன்றித் தொழேன் உடலைக்-
காதியராவினும் பொன் மா மகுடம் கவிக்கினுமே




பதவுரை : ஆதி + அராவில்
வேதியர் + ஆவுதி
சோதியர் +ஆவின்
காதி + அராவினும்

உடலைக் காதி அராவினும் என் உடம்பை வெட்டிக் கூறு போட்டாலும் ,
பொன் மா மகுடம் கவிக்கினும் தங்கத்தால் ஆன பெரிய கிரீடத்தை சூட்டினாலும்
ஆதி அராவில் துயில் ஆதி சேஷன் மேல் பள்ளி கொண்டுள்ளவனும் ,
அலங்காரர் அழகர் அலங்காரர் என்னும் அழகர் பிரானும் ,
அன்பு ஆம் வேதியர் அன்பு கொண்ட அந்தணர்களால்
ஆவுதி வீற்றிருப்பார் ஹோமம் செய்யப்படும் நெய் முதலிய ஆகுதிகளில் இருப்பவரும் ,
அண்டம் மீது இருக்கும் அண்ட கோளத்திற்கு அப்பால் ஸ்ரீ வைகுண்டத்தில்
சோதியர் ஒளி வடிவமாய் இருப்பவரும் ,
ஆவின் பின் போந்தாரை அன்றி பசுக்களின் பின் போனவருமான பெருமானை விட்டு
தொழேன் வேறு யாரையும் வணங்க மாட்டேன் .