3. அழகர் அந்தாதி - 038/100 தவித்தானை வா என வந்தானைப

[sridharv1946]

3. அழகர் அந்தாதி - 038/100 தவித்தானை வா என , வந்தானைப் பற்றினென் தஞ்சம் என்றே !

கவித்தானை மன்னற்கு நட்பு ஆய் முடி கவித்தானை அன்று
புவித்தானை வற்றப் பொழி சரத்தானைப் பொருது இலங்கை
அவித்தானை மாலிருஞ்சோலை நின்றானை அழகனை முன்
தவித்தானை வா என வந்தானைப் பற்றினென் தஞ்சம் என்றே






பதவுரை :கவி + தானை ( படை)
புவி + தானை (ஆடை)

கவி தானை மன்னற்கு வானர சேனைகளின் மன்னன் ஆன சுக்ரீவனுக்கு
நட்பு ஆய் முடி கவித்தானை நண்பன் ஆகி , மகுடாபிஷேகம் செய்வித்தவனும்
புவி தானை வற்ற பூமிக்கு ஆடை ஆகிய கடல் வற்றும்படி
பொழி சரத்தானை பிரயோகித்த ஆக்னேயாஸ்திரத்தை உடையவனும் ,
பொருது இலங்கை அவித்தானை போரிட்டு இலங்கையை அழித்தவனும் ,
மாலிருஞ்சோலை நின்றானை திரு மாலிருஞ்சோலையில் நிற்கும் அழகரும் ,
ஆனை தவித்து வா என கஜேந்திரன் வருந்தி "காக்க வா" என்று அழைத்தவுடன்
வந்தானை அழகனைவந்தவனுமான அழகர் பிரானை
தஞ்சம் என பற்றினேன் சரணம் என்று அடைந்தேன்