3. அழகர் அந்தாதி - 043/100 மா வரையானை ஒருவனையே சொல்

[sridharv1946]

3. அழகர் அந்தாதி - 043/100 மா வரையானை ஒருவனையே சொல்லி வாழுமினே !

தேவரையாதல் மனிதரை யாதல் செழும் கவிதை

நாவரையாமல் நவிலுகிற்பீர் நம்மை ஆளும் செம்பொன்

மேவரையானை இருஞ்சோலை வேங்கடமெய்யம் என்னும்

மாவரையானை ஒருவனையே சொல்லி வாழுமினே





பதவுரை :

தேவரை + யாதல்

நா + வரையாமல்

மேவு + அரையானை

மா + வரையானை

.

தேவரை யாதல் ..........................தேவர்களைக் குறித்தாவது ,

மனிதரை யாதல் ..................................மனிதர்களைக் குறித்தாவது

நா வரையாமல் ............................நாவினால் வரையறை இன்றி

செழும் கவிதை ....................................செழுமையான பாடல்களைப்

நவிலுகிற்பீர் .................................பாடித் துதிப்பவர்களே !

நம்மை ஆளும் ..............................நம் அனைவரையும் அடிமையாகக் கொண்டுள்ள

செம்பொன் மேவு அரையானை ......சிவந்த பொன்னாடை உடுத்திய இடை உடையவனும்

இருஞ்சோலை , வேங்கடம் ............திருமாலிருஞ்சோலை , திருவேங்கடமலை

மெய்யம் எனும் மா வரையானை ......திருமெய்யம் எனும் பெரிய மலைகளில் இருக்கும்

ஒருவனையே சொல்லி வாழுமினே ...ஒருவனையே பாடித் துதித்து வாழுங்கள்