3. அழகர் அந்தாதி - 045/100 வைகுண்டத்துக்கு முன்னே

[sridharv1946]

3. அழகர் அந்தாதி - 045/100 வைகுண்டத்துக்கு முன்னே அமராவதியும் நரகு ஆகும் !

வீழமராமரம் எய்தார் மதி தவழ் வெற்பை நெஞ்சே
தாழமராடச் சமன் குறுகான் இச்சரீரம் என்னும்
பாழமராமல் பர கதி ஏற்றுவர் பார்க்கில் விண்ணோர்
வாழமராவதியும் நரகு ஆம் அந்த மா நகர்க்கே



பதவுரை : வீழ + மராமரம்
தாழ் + அமர் + ஆட
பாழ் + அமராமல்
வாழ் + அமராவதியும்

நெஞ்சே மனமே !
மரா மரம் வீழ எய்தார் மரா மரங்கள் விழும்படி , அம்பு எய்தவரான அழகருடைய
மதி தவழ் வெற்பை தாழ் சந்திரன் தவழும் சோலை மலையை வணங்குவாய் !
அமர் ஆட சமன் குறுகான் போர் செய்து உயிர் எடுக்க யமன வர மாட்டான்
இச்சரீரம் எனும் பாழ் அமராமல் இவ்வுடம்பு ஆகிய பாழிலே பொருந்தாதபடி
பரகதி ஏற்றுவர் எம்பெருமான் ஸ்ரீ வைகுண்டத்தில் சேர்த்து அருள்வார் .
பார்க்கில் ஆராய்ந்து பார்த்தால்
விண்ணோர் வாழ் அமராவதியும் தேவர்கள் வாழும் அமராவதி நகரமும்
அந்த மா நகர்க்கே ஸ்ரீ வைகுண்டத்துக்கு முன்னே
நரகு ஆம் நரகம் எனத் தக்கதாம்