3. அழகர் அந்தாதி - 046/100 பனிச்சோலை வெற்பில் நிற்

[sridharv1946]

3. அழகர் அந்தாதி - 046/100 பனிச்சோலை வெற்பில் நிற்பாரைச் சரண் புகுமே !

நகரமுந்நாடும் புரந்தவர் நண்ணலரால் வனமும்

சிகரமுந்நாடும் சிறுமை கண்டோம் ; மஞ்ஞை தேன் இசைகள்

பகரமுந்நாடும் பனிச்சோலை வெற்பில் நிற்பார்க்கு ; கஞ்சன்

தகரமுந்நாடுகைத்தார்க்கு அறிந்தீர்கள் ! சரண் புகுமே




பதவுரை :

நகரமும் + நாடும் (தேசமும்)

சிகரமும் + நாடும் (செல்லும்)

பகர + முன் + ஆடும்

தகர + முன் + நாள்
.


நகரமும் நாடும் புரந்தவர் ................நகரங்களையும் , நாடுகளையும் ஆண்ட அரசர்கள்

நண்ணலரால் .................................பகைவைர்களால் விரட்டப்பட்டு

வனமும் சிகரமும் நாடும் ...................காட்டையும் , மலை உச்சியையும் தேடிச் செல்லும்படியான

சிறுமை கண்டோம் ..........................எளிமையைப் பார்த்துள்ளோம்

அறிந்தீர்கள் .....................................இவ்வாறு எல்லாவற்றையும் அறிந்தவர்களே !

தேன் இசை பகர ...............................வண்டுகள் கீதங்கள் பாட

மஞ்ஞை முன் ஆடும் ...........................மயில்கள் எதிரில் கூத்தாட ,

பனிச் சோலை வெற்பில் நிற்பார்க்கு ...குளிர்ந்த சோலை மலையில் நிற்பவரும்,

முன் நாள் கஞ்சன் தகர .....................கிருஷ்ணாவதார காலத்தில் , கம்சன் அழியும்படி

துகைத்தார்க்கு .................................அவனை மிதித்தவருமான

சரண் புகுமே .....................................அழகர் பிரானை அடைக்கலம் புகுங்கள்