3. அழகர் அந்தாதி - 047/100 அரங்கன் , அழகன் , எம் கோன் க

[sridharv1946]

3. அழகர் அந்தாதி - 047/100 அரங்கன் , அழகன் , எம் கோன் கதையையே கேட்போம் !

சரணியனாகத் தனை நினைந்தாரைத் தன போல வைக்கும்

அரணியனாகத்து அணையான் , அரங்கன் , அழகன் , எம் கோன் ,

இரணியனாகம் இடந்தான், கதை அன்றி ஈனர் தங்கள்

முரணியனாகத்தும் புன் குரல் ஓரி முதுக் குரலே




பதவுரை :

சரணியன் + ஆக

அரணியன் + நாகத்து

இரணியன் + ஆகம்

முரண் + இயல் + நா + கத்தும்

.



சரணியன் ஆகத் ..................சரணம் அடையத் தக்கவனாக

தனை நினைந்தாரை ...........தன்னை எண்ணிச் சரணம் அடைந்தவர்களை

தன் போல வைக்கும் ............தன்னைப் போலவே வைத்து அருளும்

அரணியன் ............................பாதுகாப்பு உள்ளவனும் ,

நாகத்து அணையான் ...........ஆதிசேஷனைச் சயனம் ஆக உடையவனும் ,

அரங்கன் ..............................திருவரங்கத்தில் எழுந்தருளி இருப்பவனும் ,

எம் கோன் ............................எமது தலைவனும் ,

இரணியன் ஆகம் இடந்தான் ..இரணியனது மார்பைப் பிளந்தவனுமான

அழகன் கதை அன்றி .............அழகர் பிரானுடைய சரித்திரம் இல்லாமல்

ஈனர் .....................................இழிவான பிற சமயத்தார் ,

தங்கள் முரண் இயல் நா ........தங்களுடைய மாறுபாடு பொருந்திய நாவினால்

கத்தும் புன் குரல் ...................பிதற்றும் இழிவான சொற்கள்

ஓரி முத்துக் குரலே ................கிழ நரி ஊளையிடும் பெரும் குரல் போல் வெறுக்கத்தக்கது ஆகும்