3. அழகர் அந்தாதி - 048/100 அலங்காரர் அடிமை ஆனால் , இī

[sridharv1946]

3. அழகர் அந்தாதி - 048/100 அலங்காரர் அடிமை ஆனால் , இரு வினையும் வராது !

முதுவிருந்தாவனத்து ஆ நிரை மேய்த்தவர் ; முன் , விதுரன்
புதுவிருந்தானவர் மால் அலங்காரர் -பொலாங்கழல் ஆம்
மதுவிருந்தாமரைக்கு ஆளாய் இரார்க்கு , மதிநுட்ப நூல்
எதுவிருந்தாலும் அதனால் விடா; இங்கு இருவினையே



பதவுரை :
முது + விருந்தாவனத்து
புது + விருந்து + ஆனவர்
மது + இரும் + தாமரைக்கு
எது + இருந்தாலும்

முதுவிருந்தாவனத்து பழமையான பிருந்தாவனத்தில் கிருஷ்ணனாக இருந்தபோது
ஆ நிரை மேய்த்தவர் பசுக் கூட்டங்களை மேய்த்தவரும் ,
முன் விதுரன் முன்பு விதுரனுக்கு
புது விருந்து ஆனவர் அதிசயமான விருந்தினர் ஆனவருமான ,
மால் அலங்காரர் பெருமையுடைய அழகர் பிரானுடைய
பொலாம் கழல் ஆம் அழகிய திருவடிகள் ஆகிய
மது இரும் தாமரைக்கு தேன் உடைய தாமரை மலர்களுக்கு
ஆளாய் இரார்க்கு அடிமையாய் இராதவர்களுக்கு ,
மதி நுட்ப நூல் அறிவைக் கொடுக்கும் சாஸ்திரங்களில்
எது இருந்தாலும் அதனால் எதைப் படித்திருந்தாலும் , அந்த அறிவினால்
இங்கு இருவினை விடா இவ்வுலகில் இரு வினைகளும் நீங்காது