3. அழகர் அந்தாதி - 049/100 சிலம்பாற்றில் நீராடினா&#

[sridharv1946]

3. அழகர் அந்தாதி - 049/100 சிலம்பாற்றில் நீராடினால் நோய்கள் நீங்கும் !

வினையாட்டியேன் கொண்ட வெம் காம நோய் வெறியாட்டினும் , இச்-
சினையாட்டினும் தணியாது -அன்னைமீர் - செய்ய பூங்கமல
மனையாட்டி நாயகன் மாலிருஞ்சோலை மலைச் சிலம்பாற்று
எனையாட்டி வாரும் ; சொன்னேன் , எந்த நோயும் எனக்கு இல்லையே



பதவுரை : வினை + ஆட்டியேன்
சினை + ஆட்டினும்
மனையாட்டி
எனை + ஆட்டி

அன்னைமீர் தாய் மார்களே !
வினை ஆட்டியேன் கொண்ட தீவினைகளால் ஆட்டப்படுபவள் ஆகிய நான் அடைந்துள்ள
வெம் காம நோய் கொடிய இந்த காதல் நோயானது
வெறியாட்டினும் முருகன் விஷயமாக ஆவேசம் ஆடுவித்தலாலும் ,
இச்சினை ஆட்டினும் தணியாது இந்த ஆட்டைப் பலி கொடுத்தலாலும் அடங்காது .
செய்ய பூங்கமல மனையாட்டி நாயகன் சிவந்த மலரில் வாழும் திரு மகளின் கணவனுடைய
மாலிருஞ்சோலை மலை திருமாலிருஞ்சோலை மலையில் உள்ள
சிலம்பாற்று என்னை ஆட்டி வாரும் நூபுர கங்கையில் எனை நீராட்டுங்கள் .
எந்த நோயும் எனக்கு இல்லையே எனது இந்த நோய் நீங்கி விடும் .
சொன்னேன் உறுதியாகச் சொல்லிவிட்டேன்