3. அழகர் அந்தாதி - 051/100 மால் அழகர் திருப்பாதம் எ

[sridharv1946]

3. அழகர் அந்தாதி - 051/100 மால் அழகர் திருப்பாதம் எண்ணுவீர் !

மணவாளராவி நிகர் திரு மாதுக்கு ; மால் அழகர்
ப ணவாளராவில் கண் பள்ளி கொள்வார் ; திருப்பாதம் எண்ணக்
குணவாளராவிர் ; இன்றே உயிர்காள் - உம்மைக் கூற்றுவனார்
நிணவாளராவி அறுக்கும் அப்போது நினைப்பு அரிதே



பதவுரை : மணவாளர் + ஆவி
பணவாள் + அராவில்
குணவாளர் + ஆவிர்
நினைவாள் + அராவி


உயிர்காள் உயிர்களே !
ஆவி நிகர் திரு மாதுக்கு தனது உயிர் போன்ற திருமகளுக்குக் கணவரும் ,
மால் அழகர் பெருமை உடைய அழகரும் ,
பண வாள் அராவில் படத்தையும் ஒளியையும் உடைய ஆதிசேஷன் மேல்
கண் பள்ளி கொள்வார் யோக நித்திரை செய்பவருமான எம்பெருமானின்
திருப்பாதம் எண்ண திருவடிகளைத் தியானித்து ,
குணவாளர் ஆவிர் இன்றே இப்போதே நற்குணம் உடையவர் ஆவீர்கள் .
உம்மைக் கூற்றுவனார் உங்களை எமன்
நிணவாள் அராவி நிணம் தோய்ந்த வாளாயுதத்தைக் கூர் செய்து கொண்டு
அறுக்கும் அப்போது அறுக்கும்படியான அந்திம காலத்தில்
நினைப்பு அரிதே அப்பெருமான் திருவடிகளை நினைப்பது மிகக் கடினம் ஆகும்