3. அழகர் அந்தாதி - 057/100 அலங்கார ! உன் அடிமை ஆகிறோī

[sridharv1946]

3. அழகர் அந்தாதி - 057/100 அலங்கார ! உன் அடிமை ஆகிறோம் ! உன் திருவுளம் என்னவோ ?

உய்வந்தொழும்பு செய்து என்று இருப்போமை உய்யாமல் , ஐவர் ,
பெய்வந்தொழுவினைக்கே என்பரால் பெருந்தேன் சிகரம்
தைவந்தொழுகும் மலை அலங்கார ! சதுமுகத்துத்
தெய்வந்தொழும் தெய்வமே ! என் கொலோ , உன் திருவுளமே ?



பதவுரை : உய்வம் + தொழும்பு
பெய்வம் + தொழு + வினைக்கே
தைவந்து + ஒழுகும்
தெய்வம் + தொழும்

பெருந்தேன் மிகுதியான தேன்
சிகரம் தைவந்து ஒழுகும் சிகரத்தைத் தடவிக் கொண்டு பெருகும்
மலை அலங்கார சோலை மலை அழகா !
சதுமுகத் தெய்வம் நான்கு முகங்கள் கொண்ட கடவுளாகிய பிரமன்
தொழும் தெய்வமே வணங்கும் முதல் கடவுளே !
தொழும்பு செய்து உய்வோம் "அடிமை செய்து வாழ்வோம் "
என்று இருப்போமை என்று எண்ணி இருக்கிற எங்களை
ஐவர் ஐம்புலன்கள் ஆகிய பகைவர்கள்
உய்யாமல் தொழு வினைக்கே "வாழ விடாமல் கொடிய பாவங்களில்
பெய்வம் என்பர் அகப்படுத்துவோம்" என்கிறார்கள்
உன் திரு உளம் என் கொலோ உன் கருத்து என்ன ?