4. நூற்றெட்டு திருப்பதி அந்தாதி - 021/116 கண்டியூ

[sridharv1946]

4. நூற்றெட்டு திருப்பதி அந்தாதி - 021/116 கண்டியூர் கூப்புக என் கை !

திருப்பதி - 15/108. சோழ நாடு - 15/40 : திருக் கண்டியூர்


பேசவரின் தென் அரங்கன் பேர் எல்லாம் பேசுக , வாய்
கேசவனைக் காண்க , விழி ; கேட்க , செவி ; ஈசனார்
உண்டி ஊர் தோறும் உழன்று இரவாமல் தவிர்த்தான்
கண்டியூர் கூப்புக என் கை


பதவுரை :


பேசவரின் பேசத் தொடங்கினால்

தென் அரங்கன் பேர் எல்லாம் அழகிய ஸ்ரீ ரங்க நாதருடைய நாமங்களை எல்லாம்

வாய் பேசுக என்னுடைய வாய் பேசட்டும் !

விழி கேசவனைக் காண்க என் கண்கள் கேசவனைப் பார்க்கட்டும் !

செவி கேட்க எனது காதுகள் அவன் புகழையே கேட்கட்டும் !

ஈசனார் ஊர் தோறும் உழன்று சிவன் ஊர்கள் தோறும் அலைந்து

உண்டி இரவாமல் தவிர்த்தான் உணவை யாசிப்பதைத் தவிர்த்தவனுடைய

கண்டியூர் கூப்புக என் கை திருக்கண்டியூரை எனது கைகள் வணங்கட்டும்
--



V.Sridhar