4. நூற்றெட்டு திருப்பதி அந்தாதி - 073/116 திரு வண் &

[sridharv1946]

4. நூற்றெட்டு திருப்பதி அந்தாதி - 073/116 திரு வண் வண்டூர் மால் யாவும் படைத்த இறை !

திருப்பதி - 67/108. மலை நாடு - 09/13 : திருவண் வண்டூர்

தேவும் , உலகும் , உயிரும் , திரிந்து நிற்கும்
யாவும் , படைத்த இறை கண்டீர் - பூவில்
திரு வண் வண்டூர் உறையும் தேவாதி தேவன்
மரு வண் வண்டு ஊர் துவள மால்

பதவுரை :

பூவில் இந்த உலகத்தில்
திரு வண் வண்டூர் உறையும் திருவண் வண்டூரில் இருக்கும்
தேவாதி தேவன் தேவர்களுக்கு எல்லாம் தேவனானவனும்
மரு வண் மணம் உள்ளதும் , வளமை உடையதும் ,
வண்டு ஊர்வண்டுகள் மொய்ப்பதுமான
துவள மால் திருத் துழாய் மாலை அணிந்தவனுமான திருமால்
தேவும் பிரமன் முதலிய தேவர்களையும் ,
உலகும் உலகங்களையும் ,
உயிரும் அவ்வுலங்களில் உள்ள எல்லா ஜீவன்களையும் ,
திரிந்து நிற்கும் யாவும்இவை தவிர மற்ற எல்லா பொருள்களையும்
படைத்த இறை கண்டீர் ஆதியில் படைத்த இறைவன் ஆவான்


V.Sridhar