4. நூற்றெட்டு திருப்பதி அந்தாதி - 099/116 திருக் க&#

[sridharv1946]

4. நூற்றெட்டு திருப்பதி அந்தாதி - 099/116 திருக் கடல் மல்லைக்குள் தஞ்சம் என்று திரி !

திருப்பதி - 93/108. தொண்டை - 20/22 : திருக் கடல் மல்லை

செறிந்த பணை பறித்து , திண் களிற்றைச் சாடி ,
முறிந்து விழப் பாகனையும் மோதி - எறிந்து ,
தருக்கு அடல் மல்லைக் குமைத்தான் தஞ்சம் என்று நெஞ்சே !
திருக் கடல் மல்லைக்குள் திரி

பதவுரை :

நெஞ்சே ! எனது மனமே !
செறிந்த பணை பறித்து நெருங்கிய தந்தங்களைப் பிடுங்கி ,
திண் களிற்றைச் சாடி வலிய குவலையாபீடம் எனும் யானையை அடித்துக் கொன்று ,
முறிந்து விழப் பாகனையும் மோதி அதன் பாகனும் இறந்து விழும்படி அடிதது ,
எறிந்து கீழே தள்ளி ,
தருக்கு அடல் மல்லை செருக்கான வலிய மல்லர்களை
குமைத்தான் தஞ்சம் என்று போரிட்டுக் கொன்ற திருமாலே சரணம் என்று
திருக் கடல் மல்லைக்குள் திரி திருக்கடல் மல்லைக்குள் சென்று திரிவாயாக


V.Sridhar