5. திருவரங்கத்து மாலை - 11/114 : அரங்கனுக்கு அனைத்&#

[sridharv1946]

5. திருவரங்கத்து மாலை - 11/114 :அரங்கனுக்கு அனைத்தும் ஆயிரம் !

புரம் ஆயிரம் , திருக்கண் மலர் ஆயிரம் , புண்டரிகக்-
கரம் ஆயிரம் , கழல் கால் மலர் ஆயிரம் , கண்ணி முடிச்-
சிரம் ஆயிரம் , திரு நாமமும் ஆயிரம் , - செய்ய கையில்
அரம் ஆயிரம் கொண்ட திண் திறல் ஆழி அரங்கர்க்கே

பதவுரை :

செய்ய கையில் சிவந்த வலத் திருக் கையில்
அரம் ஆயிரம் கொண்ட ஆயிரம் அரங்களைக் கொண்ட
திண் திறல் ஆழி அரங்கர்க்கே மிக்க வலிமையான சக்கராயுதம் ஏந்தும் ரங்கா நாதருக்கு
புரம் ஆயிரம் திருமேனி ஆயிரம் ;
திருக்கண் மலர் ஆயிரம் செந்தாமரை போன்ற கண்கள் ஆயிரம் ;
புண்டரிகக்கரம் ஆயிரம் செந்தாமரை போன்ற திருக்கைகள் ஆயிரம் ;
கழல் கால் மலர் ஆயிரம் வீரக் கழல் அணிந்த தாமரை பொன்ற திருவடிகள் ஆயிரம் ;
கண்ணி முடிச்சிரம் ஆயிரம் மலர்மாலையும் கிரீடமும் தரித்த திருமுடிகள் ஆயிரம் ;
திரு நாமமும் ஆயிரம் திருப் பெயர்களும் ஆயிரம் .

V.Sridhar