5. திருவரங்கத்து மாலை - 27/114 : ஸ்ரீ கூர்ம அவதார வை

[sridharv1946]

5. திருவரங்கத்து மாலை - 27/114 : ஸ்ரீ கூர்ம அவதார வைபவம் 3/3

ஓர் உரு , ஈர் உரு , பேர் உரு , நார் உரு - இது என்ன நல் தவமே !


ஓர் உரு வெற்பைத் தரித்தது ; தானவர் உம்பர் உள்ளாய் ,
ஈர் உரு நின்று கடைந்தது வேலை ; இதனிடை ஓர்
பேர் உரு இன் அமுதோடே பிறந்தது ; பெண்மை கொண்டு ஓர்
நார் உரு நின்றது ; அரங்கா இது என்ன நல் தவமே !

பதவுரை :

அரங்கா ரங்க நாதனே !
ஓர் உரு வெற்பைத் தரித்தது உனது ஆமை வடிவம் மந்தர மலையைத் தாங்கியது ;
தானவர் உம்பர் உள்ளாய் அசுரர்கள் பக்கமும் , தேவர்கள் பக்கமும் நின்று
ஈர் உரு நின்று கடைந்தது வேலை உனது இரண்டு உருவங்கள் கடலைக் கடைந்தன ;
இதனிடை ஓர் பேர் உரு கடலின் இடையே தன்வந்திரி என்ற ஒரு பெரிய உருவம்
இன் அமுதோடே பிறந்தது இனிய அமுதத்தோடு தோன்றியது ;
ஓர் நார் உரு மயங்க வைக்கும் ஒரு மோகினி உருவம்
பெண்மை கொண்டு நின்றது பெண்மை கொண்டு நின்றது
இது என்ன நல் தவமே ! இது என்ன தவத்தின் பயனோ ?


அடுத்து வருவது : ஸ்ரீ வராஹ அவதார வைபவம் !



--
V.Sridhar