5. திருவரங்கத்து மாலை - 33/114 : ஸ்ரீ நரசிம்ஹ அவதார

[sridharv1946]

5. திருவரங்கத்து மாலை - 33/114 : ஸ்ரீ நரசிம்ஹ அவதார வைபவம் 3/4

சிங்கப்படி தன் அடி , கடி , முடி , படி கண்டிலர் அரன் , அமரர் , அயன் அனைவருமே !

அடி கண்டிலர் , அதலத்தவர் ; ஐம்முகனோடு , அமரர்
கடி கண்டிலர் ; மலை வான் இவர்ந்தும் ; கமலத்து அயனார்
முடி கண்டிலர் ; அண்ட மா முகடு ஏறியும் ; மூதுணர்ந்தோர்
படி கண்டிலர் - அரங்கேசர் கொள் சிங்கப் படி தனக்கே

பதவுரை :
அரங்கேசர் கொள் அரங்க நாதர் கொண்ட
சிங்கப் படி தனக்கே நரசிங்க உருவத்திற்கு
அடி கண்டிலர் அதலத்தவர் கீழ் உலகத்தில் இருப்பவர் திருவடியைக் காண வில்லை ;
ஐம்முகனோடு அமரர் சிவனும் , மற்றைய தேவர்களும்
மலை , வான் இவர்ந்தும் கைலாச கிரி ,சுவர்க்கம் இவற்றில் ஏறினாலும்
கடி கண்டிலர் அவ்வுருவத்தின் இடுப்பைக் காண முடியவில்லை ;
கமலத்து அயனார் நாபித் தாமரையில் தோன்றிய பிரம்மா
அண்ட மா முகடு ஏறியும் அண்ட கோளத்தின் உச்சி ஏறிய பின்னும்
முடி கண்டிலர் நரசிம்ஹரின் திரு முடியைக் காணவில்லை ;
மூதுணர்ந்தோர் எல்லாம் அறிந்த பழைய பெரியோரும்
படி கண்டிலர் அவரது அளவைக் காணவில்லை

அடுத்து வருவது : ஸ்ரீ நரசிம்ஹ அவதார வைபவம் 4/4


V.Sridhar