5. திருவரங்கத்து மாலை - 38/114 : ஸ்ரீ வாமன அவதார வைப

[sridharv1946]

5. திருவரங்கத்து மாலை - 38/114 : ஸ்ரீ வாமன அவதார வைபவம் 4/4

அரங்கன் பாத நீர் சீத மந்தாகினி , ஓத கங்கை , மேதகு போகவதி ஆகி விழுகிறது !

ஓதப்புனல் பொன்னி நல் நீர் அரங்கர் உலகு அளந்த
பாதத்து நீர் விண் , படி , பலம் மூன்றிலும் - பால் புரை வெண்-
சீதத் தரங்க மந்தாகினி ஆகி , செழும் கங்கை ஆய் ,
மேதக்க போகவதி ஆகி - நாளும் விழுகின்றதே

பதவுரை :

ஓதப்புனல் பொன்னி வெள்ளமாக நீரை உடைய காவிரி நதியானது
நல் நீர் அரங்கர் நல்ல நீரால் சூழப்பட்ட திரு அரங்கத்தில் இருக்கும் எம்பெருமான்
உலகு அளந்த பாதத்து நீர் உலகை அளந்த திருவடியிலிருந்து பெருகிய தீர்த்தம்
விண் , படி , பலம் மூன்றிலும் தேவருலகிலும் , மண் உலகிலும் , பாதாளத்திலும்
பால் புரை வெண்சீத பால் போன்ற வெண்ணிறமான குளிர்ந்த
தரங்க மந்தாகினி ஆகி அலைகளை உடைய மந்தாகினி ஆகியும் ,
செழும் கங்கை ஆய் செழிப்புள்ள கங்கை ஆகியும் ,
மேதக்க போகவதி ஆகி மேன்மை உள்ள போகவதி ஆகியும்
நாளும் விழுகின்றதே எந்நாளும் விழுகின்றது


அடுத்து வருவது : ஸ்ரீ வராஹனும் ஸ்ரீ திரிவிக்ரமனும் !

V.Sridhar