5. திருவரங்கத்து மாலை - 98/114 : ஏழு மதில்களும் , திī

[sridharv1946]

5. திருவரங்கத்து மாலை - 98/114 : ஏழு மதில்களும் , திருவரங்க விமானமும்

தாழாது இபம் சொல்ல , வந்தார் அரங்கர் தயங்கு செம்பொற்-
கேழா விமானம் கிளர் செம்பொன் மேரு கிரி -நிகர்த்த
ஏழ் ஆவரணத்து இடை இடைத் தீவுகள் ; இவ் அனைத்தும்
சூழ் ஆறு மா கடல் ; எவ்வாறு நாம் இனிச் சொல்லுவதோ ?

பதவுரை :

தாழாது இபம் சொல்ல கஜேந்திரன் கூப்பிட்டவுடன் தாமதம் செய்யாமல்
வந்தார் அரங்கர் தயங்கு அங்கு வந்த அரங்க நாதனுடைய
செம்பொற்கேழா விமானம் ஏழு மதில்கள் சூழ்ந்த செம்பொன் மயமாகிய விமானம் ,
கிளர் செம்பொன் மேரு கிரி சிவந்த பொன் மயமான மஹா மேரு மலையையும் ,
ஏழ் ஆவரணத்து இடை ஏழு மதில்களின் இடையே உள்ள இடங்கள்
இடைத் தீவுகள் ஏழு கடல்களின் நடுவில் உள்ள சப்த த்வீபங்களையும் ,
இவ் அனைத்தும் சூழ் ஆறு இவைகள் எல்லாவற்றையும் சூழ்ந்த காவிரி நதி
மா கடல் நிகர்த்த பெரிய கடலையும் ஒத்தன
எவ்வாறு நாம் இனிச் சொல்லுவதோ இனிமேல் நாம் எவ்விதம் சொல்லுவதோ ?

V.Sridhar