6. திரு வேங்கட மாலை 008/104 வேங்கடமே பரனார் விருப&#

[sridharv1946]

6. திரு வேங்கட மாலை 008/104 வேங்கடமே பரனார் விருப்பு !

பாணி , பிறை , கொன்றை , பணி சூடி , மான் ஏநதி
வேணியானைப் பொருவும் வேங்கடமே - ஆணி நிறப்-
பீதாம்பரனார் பிரமர் வாழ் அண்டம் கண்
மீதாம் பரனார் விருப்பு

பதவுரை :

பாணி பிறை நீரையும் , சந்திரனையும் ,
கொன்றை பணி சூடி கொன்றையையும் , பாம்பையும் மேலே கொள்வதாலும்
மான் ஏநதி மானைத் தரித்தலாலும்
வேணியானைப் பொருவும் வேங்கடமே சிவனைப் போல் இருக்கும் வேங்கடமே ,
ஆணி நிறப் பீதாம்பரனார் பொன் நிறம் உள்ள பீதாம்பரத்தை உடுத்தியவரும் ,
பிரமர் வாழ் அண்டம் கண் மீதாம் பிரமர் வாழும் சத்ய லோகத்திற்கு மேலே உள்ள
பரனார் பரம பதத்தில் இருக்கும் திருமாலுக்கு
விருப்பு விரும்பி இருக்கும் இடம் ஆகும்

V.Sridhar