information

Information

6. திரு வேங்கட மாலை 069/104 : வேங்கடமே குன்றேந்தி வான வருடம் தடுத்தார் வாழ்வு !





மாவில் குயிலும் மயிலும் ஒளி செய்ய
மேவிப் புயல் தவழும் வேங்கடமே - ஆவிக்குள்
ஆனவருடந்தடுத்தார் ஆனிரைக்காக் குன்றேந்தி
வானவருடந்தடுத்தார் வாழ்வு

Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends



பதவுரை :

ஆனவருடந்தடுத்தார் - ஆன + அருள் + தந்து + அடுத்தார்
வானவருடந்தடுத்தார் - வான + வருடம் + தடுத்தார்


மாவில் குயிலும் மாமரத்தில் குயில்கள்
ஒளி செய்ய ஒளிந்து கொள்ளவும் ,

மயிலும் மயில்கள்
ஒளி செய்ய பிரகாசம் அடையுமிடமும்
மேவிப் புயல் தவழும் பொருந்தி மேகம் சஞ்சரிக்கும் இடமான
வேங்கடமே திரு வேங்கட மலையே
ஆன அருள் தந்து தேவையான கருணை புரிந்து
ஆவிக்குள் அடுத்தார் உயிரில் கலந்தவரும் ,
ஆன் நிரைக்கா பசுக் கூட்டங்களைக் காப்பாற்றும் பொருட்டு
குன்று ஏந்தி கோவர்த்தன கிரியை குடையாகப் பிடித்து
வான வருடம் தடுத்தார் மேக மழையைத் தடுத்தவருமான திருமால்
வாழ்வு வாழுமிடம் ஆகும்



V.Sridhar