6. திரு வேங்கட மாலை 069/104 : வேங்கடமே குன்றேந்தி வ

[sridharv1946]

Information

6. திரு வேங்கட மாலை 069/104 : வேங்கடமே குன்றேந்தி வான வருடம் தடுத்தார் வாழ்வு !

மாவில் குயிலும் மயிலும் ஒளி செய்ய
மேவிப் புயல் தவழும் வேங்கடமே - ஆவிக்குள்
ஆனவருடந்தடுத்தார் ஆனிரைக்காக் குன்றேந்தி
வானவருடந்தடுத்தார் வாழ்வு

பதவுரை :

ஆனவருடந்தடுத்தார் - ஆன + அருள் + தந்து + அடுத்தார்
வானவருடந்தடுத்தார் - வான + வருடம் + தடுத்தார்

மாவில் குயிலும் மாமரத்தில் குயில்கள்
ஒளி செய்ய ஒளிந்து கொள்ளவும் ,

மயிலும் மயில்கள்
ஒளி செய்ய பிரகாசம் அடையுமிடமும்
மேவிப் புயல் தவழும் பொருந்தி மேகம் சஞ்சரிக்கும் இடமான
வேங்கடமே திரு வேங்கட மலையே
ஆன அருள் தந்து தேவையான கருணை புரிந்து
ஆவிக்குள் அடுத்தார் உயிரில் கலந்தவரும் ,
ஆன் நிரைக்கா பசுக் கூட்டங்களைக் காப்பாற்றும் பொருட்டு
குன்று ஏந்தி கோவர்த்தன கிரியை குடையாகப் பிடித்து
வான வருடம் தடுத்தார் மேக மழையைத் தடுத்தவருமான திருமால்
வாழ்வு வாழுமிடம் ஆகும்



V.Sridhar

[sridharv1946]

Re: 6. திரு வேங்கட மாலை 069/104 : வேங்கடமே குன்றேந்தி &a

மேகத்தைக் கண்டு அஞ்சி குயில்கள் ஒளிந்து கொள்வதையும் மயில்கள் பிரகாசம் ஆகி மகிழ்வதையும் "ஒளி செய்ய " என்று குறிப்பிடும் கவி நயம் ரசிக்கத் தக்கது.