6. திரு வேங்கட மாலை 086/104 : வேங்கடமே தித்திக்கும

[sridharv1946]

6. திரு வேங்கட மாலை 086/104 : வேங்கடமே தித்திக்கும் காரி மாறன் பாவார் !

எத்திக்கும் காம்பும் , எயினரும் , ஆரத்தினையே
வித்திக் கதிர் விளைக்கும் வேங்கடமே - தித்திக்கும்
காரிமாறன்பாவார் , காதலித்தார் தம் பிறவி
வாரிமாறன்பாவார் வாழ்வு

பதவுரை

காரிமாறன்பாவார் - காரி + மாறன் + பாவார்
வாரிமாறன்பாவார் - வாரிமாறு + அன்பாவார்

எத்திக்கும் மலையின் எல்லாப் பக்கங்களிலும்
காம்பும் மூங்கில் மரங்கள்
ஆரத்தினையே வித்தி முத்துக்களை உண்டாக்கி
கதிர் விளைக்கும் ஒளி வீசும் இடமும் ,
எயினரும் வேடர்கள்
ஆரத் தினையே வித்தி அதிகமாக தினையை விதைத்து
கதிர் விளைக்கும் கதிர்களை விளைவிக்கும் இடமுமான
வேங்கடமே திரு வேங்கட மலையே
தித்திக்கும் காரி மாறன் இனிமையான காரி என்பவரது குமாரர் ஆன நம்மாழ்வாரின்
பாவார் பாசுரங்களைப் பெற்றவரும் ,
காதலித்தார் தம் பிறவி வாரி விரும்பிய அடியார்களுடைய பிறவிக்கடலை
மாறு அன்பாவார் நீக்கும் அருள் உடையவருமான திருமால்
வாழ்வு இருக்கும் இடம் ஆகும்

V.Sridhar