6. திரு வேங்கட மாலை 098/104 : வேங்கடமே நாந்தகனார் ச

[sridharv1946]

6. திரு வேங்கட மாலை 098/104 : வேங்கடமே நாந்தகனார் சிலம்பு !

கொய்யும் மலர்ச் சோலைக் கொக்கும் , பிணியாளர்
மெய்யும் , வடுத்தவிரும் வேங்கடமே - நையும்
சனநாந்தகனார் , தலையிலி தோள் சாய்த்த
சினநாந்தகனார் , சிலம்பு

வடுத்தவிரும் - வடுத்து + அவிரும்
வடுத்தவிரும் - வடு + தவிரும்
சனநாந்தகனார் - சனன + அந்தகனார்
சினநாந்தகனார் - சின + நாந்தகனார்

கொய்யும் மலர் பறிக்கக் கூடிய மலர்களை உடைய
சோலைக் கொக்கும் சோலைகளில் உள்ள மா மரம்
வடுத்து அவிரும் பிஞ்சு விட்டு வளரும் இடமும் ,
பிணியாளர் மெய்யும் நோயாளிகளின் உடலில்
வடு தவிரும் உண்டான தழும்புகளை நீங்கும் இடமுமான
வேங்கடமே திரு வேங்கட மலையே
நையும் சனன வருந்துவதற்கு காரணமான பிறப்பை
அந்தகனார் ஒழிப்பவரும் ,
தலையிலி தோள் தலை இல்லாத கபந்தனின் தோள்களை
சாய்த்த சின வெட்டிய கோபமுடையவரும்
நாந்தகனார் நந்தகம் எனும் வாளை உடையவருமான திருமாலின்
சிலம்பு திருமலை ஆகும்

--
V.Sridhar

Last edited by sridharv1946; 03-04-14, 11:45.