Dear you, Thanks for Visiting Brahmins Net!
JaiHind! Feel free to post whatever you think useful, legal or humer! Click here to Invite Friends




வாழ் அரியும் , சந்தனம் தோய் மாருதமும் , தாக்குதலால்
வேழ மருப்புகுதும் வேங்கடமே - நீழல் அமர்
பஞ்சவடி காட்டினான் , பாரளப்பான் போல் எவர்க்கும்
கஞ்சவடி காட்டினான் காப்பு




வேழ மருப்புகுதும் - வேழம் + மருப்பு + உகுதும்
வேழ மருப்புகுதும் - வேழம் + மரு + புகுதும்
பஞ்சவடி காட்டினான் - பஞ்சவடி + காட்டினான்
கஞ்சவடி காட்டினான் - கஞ்ச + அடி + காட்டினான்


வாழ் அரியும் காட்டில் வாழும் சிங்கம்
தாக்குதலால் மோதி அடித்தலால்
வேழம் மருப்பு உகுதும் யானைகள் தந்தம் உடையும் இடமும் ,
சந்தனம் தோய் மாருதமும் சந்தன மரத்தில் பட்ட காற்று
தாக்குதலால்மேலே படுதலால்
வேழம் மரு புகுதும் மூங்கில் மணம் வீசும் இடமும் ஆன
வேங்கடமே திரு வேங்கட மலையே
நீழல் அமர் நிழல் உள்ள
பஞ்சவடி காட்டினான் பஞ்சவடியில் வசித்தவனும் ,
பார் அளப்பான் போல் உலகை அளப்பது போல்
எவர்க்கும் எல்லோர்க்கும்
கஞ்சவடி தாமரைத் திருவடிகளை
காட்டினான் காண்பித்தவனுமான திருமால்
காப்பு பாதுகாக்கும் இடம் ஆகும்


V.Sridhar