6. திரு வேங்கட மாலை 102/104 : வேங்கடமே நாகத்து அணைī

[sridharv1946]

6. திரு வேங்கட மாலை 102/104 : வேங்கடமே நாகத்து அணையான் வெற்பு !

எவ்விடமும் ஆறு தோய்ந்து எல்லோரும் , பல் பாம்பும்
வெவ்விடரின் நீங்கி எழும் வேங்கடமே - தெவ்விடை ஏழ்
அட்டவன் , நாகத்து அணையான் , ஆதி மறை நூல் மார்க்கம்
விட்டவன் ஆகத்து அணையான் வெற்பு

எல்லோரும் எல்லா மக்களும்
எவ்விடமும் ஆறு தோய்ந்து பல இடங்களில் உள்ள ஆறுகளில் மூழ்கி
வெவ்விடரின் நீங்கி எழும் கொடிய பிறவித் துயரிலிருந்து விடுபடும் இடமும் ,
பல் பாம்பும் பல பாம்புகள்
வெவ்விடரின் வெவ்விய மலை வெடிப்புகளிலிருந்து
நீங்கி எழும் வெளி வரும் இடமும் ஆன
வேங்கடமே திருவேங்கட மலையே
தெவ்விடை ஏழ் அட்டவன் கோபமான ஏழு காளைகளை அடக்கியவனும் ,
நாகத்து அணையான் ஆதி சேஷனில் பள்ளி கொண்டவனும்
ஆதி மறை நூல் பழைய வேத சாஸ்திரங்களின்
மார்க்கம் விட்டவன் நல்வழியிலிருந்து விலகியவனுடைய
ஆகத்து அணையான் மனதில் சேராதவனுமான திருமாலின்
வெற்பு திருமலை ஆகும்

--
V.Sridhar