PDA

View Full Version : திருவரங்கத்தந்தாதி 85 ஆழ்வார்கள் போற்றிய



sridharv1946
15-07-2013, 07:11 PM
திருவரங்கத்தந்தாதி 85 ஆழ்வார்கள் போற்றிய அரங்கன் அடியே அடியனுக்கு அரும் செல்வம் !


வண்ணங்கலிவஞ்சிவெண்பாவகவல்வகைதொடுத்தோர்
வண்ணங்கலிகெடவேண்டுமென்றேமக்கண்மாட்டுரையேன்
வண்ணங்கலிகடல்போல்வானரங்கன்வகுளச்செல்வன்
வண்ணங்கலியன்புகழ்தாளெனக்கென்றுமாநிதியே

பதவுரை : வண்ணம் + கலி (அழகிய கலிப்பா)
வண்ணம் + கலி (வழியில் வறுமை )
வண்ணம் + கலி (நிறம் ஒலி )
வள் + நம் + கலியன்

ஓர் வண்ணம் ஏதோ ஓர் வழியில்
கலி கெட வேண்டும் என்றே வறுமை ஒழிய வேண்டும் என்றே கருதி
மக்கள் மாட்டு மனிதர்களிடம்
வண்ணம் கலி அழகிய கலிப்பாவும் ,
வஞ்சி வெண்பா வஞ்சிப்பாவும் , வெண்பாவும்
அகவல் வகை ஆசிரியப்பா முதலிய செய்யுள்களை
தொகுத்து உரையேன் புனைந்து கவி பாட மாட்டேன் ;
வண்ணம் கலி கடல் போல்வான் ஒலிக்கின்ற கடல் போல் மேனி நிறம் கொண்ட
வகுளம் செல்வன் மகிழ மலர் அணிந்த நம்மாழ்வார் முதல் ,
நம் கலியன் புகழ்நமது திரு மங்கை ஆழ்வார் வரை எல்லா ஆழ்வார்களும் போற்றிய ,
அரங்கன் தாள் ரங்கநாதனுடைய திருவடிகளே
எனக்கு என்றும் மா நிதிஅடியேனுக்கு எப்போதும் பெரிய செல்வம் !